دول مش ثوار
دول عصابه اشرار
بيخربوا دارنا وسرقوا شعارنا
عيش حريه
وعاوزينها ديموقراطيه
بالمولوتوف والبلطجه الفكريه
وقتل وحرق ونهب وهمجيه
اتهموا الداخليه .. وهما الى بيضربوها
وداسوا على اراده الناس وهرسوها
نفسهم مصر تقع ويقسموها
وقال بيسموهم ثوار ومتظاهرين
وهما ملاعين ولاعنين سلسفين ابوها
ولا دول ثوار ولا حتى مصريين
ولا عمرهم حبوها
مصر الى قامت فى 25 يناير
طلعت وعرفت بعدها الطريق
وثاير ورا ثاير طوابير
فى اللجان قدام الصناديق
فهمنا واتعلمنا وحسينا طعم الحريه
واول الطريق لبلد عفيه
واتعلمنا ان الحق
مش بيرجع بالحرق
وان القوه فى السلميه
مش بالقتل ولا الهمجيه
لا دول مش متظاهرين ولا ثوار
دول عصابه اشرار