السلام عليكم ورحمة الله وبركاته

يااااااه عارفين ان بعد سنتين من دلوقتى المنتدى هيبقى عنده عشر سنين والناس هتبقى غير الناس هيبقى فيه منهم اللى مبيجيش اصلا وفيه منهم اللى بيدخل كل فين وفين وفيه اللى لسه مستمر ونشيط فى المنتدى

انا اول مرة ليا فى المنتدى هنا كانت فى اواخر 2006 وكنت عامل عضوية قديمة وحصل مشكلة ونسيت الباسورد بتاعها وبقيت ادخل زائر وفضلت زائر لحد ما قررت اسجل بعضوية جديدة فى 2010 اللى انا بكلمكوا منها دى عارفين ان من 2006 لحد 2010 معظم الناس اتغيرت

المهم كنت بدخل المنتدى بإستمرار وكانت احلى ايام والله فى الفترة دى المهم انى فى اواخر 2011 انشغلت وقعدت فترة كبيرة مدخلش المنتدى ورجعت فى 2012 بس على مراحل متقطعة يعنى ادخل نص ساعة كل شهر مثلا لانى كنت مشغول جداً بس للاسف معظم الناس اللى كانوا هنا وكنت بحبهم ملقتهمش


ولما رجعت دلوقتى تانى للمنتدى والناس دى مش فيه حاسس انه ملوش طعم وقعدت افتكر الايام دى وايام ما كنا بنعمل حملات عشان ننشط المنتدى ولما كنت بعمل مواضيع والاقيهم بيردوا عليا قبل ما الموضوع ينزل اصلاً يااااه كانت ايام حلوة بجد واوحش حاجة مزعلانى ان الناس دى مش هعرف اشوفها تانى الا لو حصلت صدفة ودخلوا المنتدى تانى وممكن يكون فيه منهم لسة بيدخل


وفعلاً وحشونى جداً وانا هقول اسمائهم ويارب اكونت فاكرها كلها واللى مفتكرتش اسمه اتمنى ميزعلش منى لو فى يوم من الايام دخل وشاف التوبيك ده


م سامى _ اكرم _ كريم _ بنت العمدة _ بسكوتة _ نوران _ عز الدين _ تيفا _ خيال هانى _ رويدا _ ابرار _ المشتاق للتوبة _ فريسكاية _ الفرعون المصرى _ صافى)

بجد كلهم وحشونى فعلاً وهما دول اللى لسة فاكرهم لحد دلوقت من اللى كانوا معانا زمان ودلوقتى مش بشوفهم

واتمنى انى اشوفهم تانى