نـَـط حـَـواجز لـ .. / أحمد حسن




انا مش هقدر أبص عليكي
وافضل تايه كدا ف عنيكي
و أقف اتفرج واحد عاجز
بيني وبينك خمسين حاجز
ومانيش عايز انافق فيكي
طب دانا عايز
اجري واقولك
اني بحبك
و ان انا عايش ع الطراطيف
نط حواجز
نفسي الاقي نسمة طيف
ترجع تاني كدا تحييني
وبتثبتلي اني انا عايش
مش جوايا حد ضعيف
وإنّ انا نفسي أشارك حد
ييجي يكلبش أوي كدا فيآ
مش بيقول أهي حاجه وتعدي
عايزو معايا عالدنيا تحدي

  • عايزو يعيش الحب بجد ♥ !!