عايز تسافر السعوديه ومش عارف تأخد قرار تعالى نفكر مع بعض؟

==================================

شوف مجموع دخلك في مصر وكمان احسب احتياجاتك الشهريه ومصاريفك

ومجموع ساعات شغلك في مصر ووضعك العائلى كل ده خليه في حسبانك

عايزك تحسب نفس مصاريفك والتزاماتك في مصر زيها في السعوديه

بمعنى لو مصاريفك في مصر الف جنيه يبقى هتصرف في السعوديه الف ريال

خللى في اعتبارك انه شغلك ممكن يكون في حدود من 10 الى 12 ساعه

يعنى خللى في اعتبارك انه في ضغط جسدى هيكون عليك وأكيد نفسى في غيابك عن العائله وبلدك

من الحاجات المهمه اللى تختارها قبل ماتوافق على العقد هيا المكان تحاول تختار المدن الكبيره وتبعد عن المدن اللى على الاطراف أو المدن الصغيره

طبعا كمان حاول تختار الاماكن المعروفه واللى ليا اسمها أو اللى حد من زمايلك مجربها

استشير دايما على قد ماتقدر قبل ماتوافق أى حد من زمايلك قرايبك أو حتى جروبات وخليك واخد قرار السفر لو ظروفك محتاجاه وانت راضى عنه وواثق أنه ربنا هيكرمك

خليك متقبل ومستعد أنك تتعلم حاجات جديده وتكتسب خبرات كبيره من السفر والتعرف على طبيعه معيشه مختلفه هتخليك بتتعامل مع جنسيات مختلفه ودى هتكسبك خبره

كبيره



منقول مع شوية تعديلات