من كتابات العضوه

الملاك الطاهر 123
في منتدي فتكات
حاولنا نستأذن منها علشان النقل لكن للاسف ما قدرناش نوصلها
لكن بنقول اهه
حقوق الملكيه ليها
وبنشكرها علي القصه الاكثر من رائعه

يوميات ولد و 4 بنات
الشخصيات الرئيسية :
1- محمد : البطل الرئيسي في القصة 2- مي : البطلة الثانية في القصة
3- ريم : البطلة الثالثة في القصة
4- هدير : البطلة الرابعة في القصة
5- اسراء : البطلة الخامسة في القصة
الشخصيات المساندة :
1- احمد : صديق محمد في الدروس
2- ياسمين : صديقة مي في الدروس
3- رنا : صديقة مي في الدروس
4- سارة : صديقة هدير في درس الرياضيات
5- هند : صديقة ريم في درس العربي
وهناك بعض الشخصيات المساندة ستظهر في القصة وسوف اتحدث عنهم في سياق القصة .
الحلقة الاولى : دروس ودروس
تبدأ قصتنا مع ولد في محافظة الاسكندرية اسمه محمد وهوا ولد في الثانوية العامة ويحاول ان يصل الى مجموع عالي لكي يدخل الكلية المحببة اليه مثله مثل باقي الطلاب
محمد : ايه يا احمد حجزتلي عند مدرس الانجليزي ولا لأ يا ابني
احمد : حكلمه النهاردة يا ابني متخافش اوي كده حتلحق الحجز قبل ما يقفل
محمد : واللهي يا ابني شكلك حتوديني في داهية منا عارفك هوا طبعك ولا حتشتريه اللي يعتمد عليك كأنه بيعتمد على قربة مخرومة ربنا يستر
احمد :ههههههههه ماشي يا باشا الله يخليك لا متخافش بجد حزبطلك الحوار ده على بكرة ان شاء الله
احمد : الو السلام عليكم يا مستر لو سمحت انا عاوز احجز لصحبي في الدرس معانا
المستر : بس انتا عارف يا احمد ان المجاميع عندي قفلت والحجز اتقفل من مدة
احمد : انا عارف يا مستر بس ارجوك الواد متسوح اوي ومش لاحق يدخل في اي درس والنبي علشان خاطري حطوا في المجموعة بتاعتنا
المستر : خلاص ماشي يا احمد انا حدخله المجموعة علشان خاطرك
احمد : دا العشم برضه يا مستر الله يخليك
المستر : ماشي اوك سلام
احمد : سلام يا مستر
محمد : ها يا ابني عملت ايه الله يخريب بيتك
احمد : ديما كده تهزيق خلاص يا خويا حجزتلك الدرس بس عللا يتمر بقى
محمد : الله يخليك يا ابو حميد يا حبيبي ديما كده مشرفني
وجه اليوم الاول في درس الانجليزي وطلع احمد ومحمد الشقة اللي فيها الدرس بتاع الانجليزي
احمد : ايه السلم العالي ده دحنا ولا في الاوليمبياد يا عم
محمد : بطل مناكفة بقى واطلع هوا المستر قالك في الدور الكام
احمد : قاللي التاسع واحنا في السادس ومفيس اسنسير في العمارة دي دي حاجة تقرف
محمد : يلا يا عم هانت اه
ووصل احمد ومحمد الى الشقة المطلوبة وضرب محمد الجرس والباب اتفتح وصدم محمد صدمة لن ينساها طول عمره . ايه هيا الصدمة دي حنعرفها في الحلقة التانية