السلام عليكم
انا عارف الي هكتبه دا غريب شويه
انا بفضل ربنا عمري ما حطيت سجاره في بؤي ولا اعرف في المخدرات و الكلام دا...
لكن من كام يوم واحد قريبي هو صغير عنده حوالي 19 سنه
حكالي موقف غريب جدا خصل معاه

كان معاه قطعه حشيش كبيره جدا وحاطتها علي السرير و جنبها علبه سجاير...
مامته دخلت عليه...
قالتله ايةة دا؟؟
ايه علبة السجاير دي...
واديته شويه كلام عن السجاير...

وما عرفتش اساسا ان الي جنبها دي قطعه حشيش

هو بيحكيلي انه كان مرعوب من الي حصل لما مامته دخلت عليه..
لكن بعد كدا اتطمن...
المهم.. انا قررت قرار اني هحاول اجمع شويه معلومات..
شايف ان كل اب و ام لازم يكونوا عارفينها علشان يعرفوا اذا كان ابنهم عنده مشكله ولا لاء...

المعلومات دي انا جبتها من الولد دا...
او الي عرفت اجبها منه ^-^

ممكن تساعدنا اننا نكتشف اذا كان ولادنا وقعوا في الفخ دا و نحاول ننقذهم...

---
اول حاجه
الحشيش دا شبه الشيكولاته.. لكن لونه فاتح شويه
الصوباع بتاعه بيبقي طول السجاره تقريبا بس هو بيبقي مربع مش اسطوانه كدا...
ممكن يبقي احجام صغيره و متاخد منه قطعه و كدا..
(لو ينفع ممكن ننزله صوره)

--

الحشيش ليه اكتر من طريقه بيتشرب بيها...

لو في سجاره "ملفوفه" يعني شبه القرطاس كدا .. ومش شبه السجاره العاديه... دي اكيد فيها حشيش

في نوع ولاعات اسمه "سخان" دا بيستخدم في التجهيز...
لو الولاعه دي موجوده مع ابنك ... احتمال كبير جدا يكون بيشرب....

لو في ورق "بفره" بتبقي علبه صغيره اوي تقريبا قد علبه الكبريت بس الارتفاع بتعها ميجيش 4 ملي ..
لونها اسود كدا و عليها اشكال بالاحمر و الاخضر...
هي دي بقي الي بيتعمل بيها القرطاس او السجاره الملفوفه..

في حاجه كدا انا ما فهمتهاش...
بس هو بيتعبي الدخان في كوبايه او ازاه...
فا لو في كوبايه مقفوله بشكل غريبه...
او ازازتين داخلين في بعض وفيهم مايه...
يبقي في الحاله دي لازم تخلي بالك....



النووووم الكتييييييير.. بزياده اوي...
دا ممكن يكون ترامدول....


العين الحمرا و عدم التركيز

التقل في الكلام


الحاجات دي عموما بتحتاج فلوس كتير...
خلي بالكم من طريقه الانفاق...
كمان فلوس الدروس بتكون دخل كويس جدا للانفاق منها



بس كدا...
دا الي قدرت اعرفه الصراحه ^-^

لو شايفين الموضوع مفيد... انا ممكن احاوال اجبلكم معلومات اكتر تفصيل
وربنا يستر علي اولادنا

اخر حاجه البنات بيشربوا عادي جدا زي الولاد...

فا ما تركزوش مع الولاد بس