يا عبدالسلااااااااااااام تعالى يالا فيه أكل هنا”

هكذا صاح أحد الطفلين الموجودين فى الصوره




أطفال بيكلوا من الزباله ياريس

أطفال بيكلوا فى الزباله يا ماما سوزان

يا ماما سوزان فيه أطفال تانيين خالص غير الأطفال اللى بيجوا معاكى انتى و نمنم

يا ريس أعمل حاجه للناس دى

مش عايزين ديمقراطيه ولا حريه ولا زفت

المهم الناس دى تاكل

يا ريس أعمل اى حاجه للأطفال دول شوف بكره هيبقوا إيه

يا ريس انت بتقول ان محدود الدخل من اولوياتك طب دول من اولويات مين سيادتك؟؟

طب أعمل أى حاجه يا ريس

أى حاجه ليهم

اعمل مشروع لرعايتهم بمليون جنيه وخد المليون دا من الـ750 بتوع جمال

أو من 6 مليار بتوع أحمد عز صاحب جمال

أو من اى داهيه يا ريس بس الأطفال دول مايتسبوش كدا

يا ريس هتقابل ربنا ازاى؟

مافيش فوق لا محسوبيه ولا وسايط ولا فلوس ولا إدراج مافيش غير نار أو جنه

ماتعملش لينا يا ريس ولا للبلد ولا حتى علشان تزود شعبية جمال

إعمل لنفسك يا ريس

لحد هنا الموضوع يا جماعة منقول بجد لو حد عنده اى فكرة احنا ممكن يكون دورنا ايه يقولها لانى نفسى فعلا اساعدهم بس مش عارفة لانى عن نفسى معنديش الجرأة مثلا اديهم اى مساعدة حتى بخاف لو بس واحد منهم قرب منى وانا ماشية ده غير ان هم ممكن يستغلوا الفلوس دى غلط لانهم ببساطة يعتبروا محرومين من كل حاجة

واخر حاجة عايزة افكركوا بعمر بن الخطاب لما قال والله لو أن شاة تعثرت في العراق لخفت أن يسألني الله عنها لِمَ لَمْ تعبد لها الطريق ياعمر...يا جماعة شاه يعنى حيوان تعثر مش بنى ادم مات م الجوع ولا من تسمم بمبيدات ولا فقطر بيمشى بالعافية ..ولا...ولا...