مرة واحد هندي بيسأل مصرى انتم ليه مش بتحرقوا الميت رد احنا بندفنه وربنا بيحرقه

واحد بيسأل خطيبته : حد قبلى لمسك ؟ سكتت

قالها : زعلتى

قالت له : لأ بأعدهم

بخيل واقف فى البلكونة... ابنه جاى من بعيد يقول له بابا بابا بابا ... قاله:
يا حيوان بابه واحده كفاية.


امراه بخيله قالت لولدها يامحمد روح اشتري ثلاثه رغيف واحد لي وواحد
لوالدك وواحد ليك وبعد ما راح الولد لشراء الرغيف طلعت الام من البلكونه
وقالت يامحمد رجع الرغيف الثالث ابوك مات.


مرة واحد صعيدى لقى الفانوس السحري دعك الفانوس العفريت جاله تسلخات


واحد محشش فتح محل سماه منجره الاقمشه الكهربائيه لحلاقه الاحذيه الطازجه

واحد احول راح المطار يجيب ابوه شال ابوة وباس الشنطه


واحد بخيل راح مع ابنه السوبر ماركت..
الواد جاب بسكوت وشكولاته و شيبسى
ابوه بيقوله ايه ده يا واد
قاله بحبه يا بابا بحبه
قاله خلاص بوسه ورجعه ؟!


الرئيس مبارك لقي فانوس سحري قام دعكه فطلعله منه ابليس

قاله: شبيك لبيك تطلب ايه؟

رد عليه الريس وقاله: بص بقي يا عم ابليس انا عملت فى الشعب بتاعي كل حاجه..قوللي بقي علي
حاجة جديده اعملها !

ابليس قاله: بس كده..بسيطه..هات ودنك..وش وش وش وش وش

قام الرئيس قاله: ايه ياعم لعب العيال ده..ده كلام برضه

قام ابليس قاله: بلاش دي..هات ودنك...وش وش وش وش وش ه

قام الرئيس قاله: ايه يا عم ده ...انت شكلك ابليس نص كم ولا ايه
ابليس قاله : معقول الفكره دي مش عاجباك!!..طب خد دي بقي..وش وش وش وش

قام الرئيس قاله : ياعم انت شكلك كده لا ليك في العفرته ولا حاجه..هات ودنك
بقي اقولك انا بعمل ايه في الشعب بتاعي....وش وش وش وش وش

قام ابليس وشه اصفر و قاله: يا راجل اتقي الله


ندل جاب كاسيت ووقف قدام ملجأ أيتام وشغل أغنية بابا فين !!

واحد ندل اشتغل في المطافى عبا حنفيات الحريق بنزين

واحد ندل قعد لمده سنه يتحايل على حبيبته علشان تخرج معاه ولما
وافقت ر ح قال لأبوها

واحد ندل جورج قرداحي اتصل بيه وقال له معنا صديقك وصل نصف مليون
ريال محتاج مساعدتك قال: قل له نايم


واحد بخيل جاب 3 تفاحات
فتح اول واحده لاقاها معفنه
رماها
فتح تانى واحده لاقاها معفنه
رماها
قام طافى النور
وكل التالته

مره واحد بخيل وقع فى حفره......
الناس قاعدين يحاولوا يطلعوه مش راضى
يقولولو هات ايديك ولا هوه معبر
فجه واحد بيقولهم فى ايه يا رجاله
قالوله الراجل ده وقع فى الحفره و مش راضى يطلع
قالهم ليه ؟...
انتوا قلتوله ايه ؟...
قالوله قولنا له هات ايديك..
قالهم طيب استنوا
وراح للبخيل و قاله خد ايدى...
قام طالع البخيل على طول


طلع مجموعة صيادين يصطادوا وكل ما يصطادوا حاجه كلابهم تجري تجيب الفريسه
ما عدا كلب واحد بيخاف من صوت الرصاص
فقالوا لصاحبه:- خده الافراح اللي بيحصل فيها ضرب نار كتير عشان يتعود على الرصاص
وبعد ما اخده لمدة 6 شهور رجع يصطاد تاني
ولما اصطاد الفريسه الكلب قعد يزغرط


تلاتة صقور أغبية اتراهنوا على اللى يصطاد أكبر حاجة،

الأول راح وجه وفى منقاره حبة دم قالهم:- شايفين الجبل الى هناك ده قالوا له:- أيوه
قال:- قتلت وراه غزال

والتانى راح وجه وفى منقاره حبة دم كتير قالهم :- شايفين الشجرة الى هناك دى قالوا له:- أه
قالهم :- قتلت وراها نمر

والتالت راح وجه وكله دم فى دم وقالهم :- شايفين العمود الى هناك ده قالوا له :- اه
قالهم :- أنا ما شفتوش


التلميذ : بحبك يا أبله و عاوز أجوزك...
المدرسه: بس أنا مبحبش الأولاد الصغيرين...
التلميذ: وأنا مش مستعجل على الأولاد


مرة حمار بيقول لخطبتة احنا هنتجوز امتى يا حمارة
قلتلة لما تحسن الفاظك شوية يا حيوان


ندل مر على مقبرة شغل المسجل وحط أغنية الحياة حلوه


مرة واحد احول جه يعيط رجع

الاستاذ : ما معنى كلمة ( سبيل ) ؟
الطالب : طريق .
الاستاذ : ممتاز – والآن ما معنى كلمة ( سلسبيل ) ؟
الطالب : طرطريق

سأل أستاذ تلميذه: ما اسم الحيوان الذي تصحو على صوته كل صباح؟
أجاب: بابا


واحد مسطول بيسأل مراته هو لما بنفتح باب الحمام النور بينور قالت له لا قالها يبقى أنا عملتها فى الثلاجة

أتنين أغبياء
واحد بيقول للتاني : لو عرفت أيه اللي في الكيس ده ... حديك منه سمكه
التاني قالله : البحر


مرة واحد راح السودان بالليل ملاش حد

مره واحد كان قاعد مع خطيبته علي النيل-------

قال لها شايفه القمر يا ليلي

وردت عليه بتقوله

شايفني عميه يا روح امك

مدرس تاريخ بيقول لطالب: ماذا تعرف عن كيلوبترا
قاله : السوبر ولا العادة


عملو مسابقه لكشف الكدب جابو من المانيا واحد ومن الصين واحد ومن مصر جابو الصعيدي
وضعوا الالماني علي الجهاز قال : احنا فكرنا نعمل صاروخ حجمه قد الكرة الارضيه
الجهاز رن
وضعو الصيني علي الجهاز قال : احنا فكرنا نعمل دبابه نوويه
الجهاز رن
وضعوا الصعيدي علي الجهاز قال: احنا فكرنا
الجهاز رن


مره ضابط في الجيش طلع على المعاش اخذ مكفاءة نهاية الخدمة اشرى بيها ارض و زرعها الغام




واحد سكران فتح التلاجه وبص للجلي ..0لقاه بيرتعش
قاله : متخفش هاخد عصير


أتنين فراعنة بيحششوا في المعبد دخل عليهم الكاهن بتاع المعبد وقالهم ((أمون راع))
رد علية واحد منهم وقال : (( راع فين ياعم )) مهو قاعد جنبي أهوه



طفل اتولد و ظل 5 سنين لا يتكلم, اول كلمة قالها :خالي.... بعدها بيوم خاله مات
ومر اسبوع واتكلم الولد مرة ثانية و قال :اخويا ....بعدها بيوم اخوه مات
ومر اسبوع آخر والولد قال : بابا .....فكتب الاب وصيته بعدها بيوم
جارهم مات


*********

مرة واحد بلدياتي دخل محل اجهزة كهربائية
و سأل البائع : سالخير بكام التلافزيون ديه لو سمحتم ؟
رد البائع : امشي ياله مبنبعش لصعايدة
فتغاظ جدا واصر ان هوا يشتري التلفزيون ده, وارتدي ثياب قاهرية ودخل نفس المحل
وقال : مساء الخير بكام التلفزيون ده لو سمحت
رد البائع : امشي يالة مبنبعش لصعايدة
كاد ان ينفجر من كتر الغيظ , فارتدي ثياب مرأة منقبة و دخل هوا هوا المحل
وسأل : السلام عليكم يا اخي كم تريد مقابل هذا التلفاز ؟
رد البائع : امشي ياله مبنبعش لصعايدة!!!
فاتغاظ اوي
وقال للبائع : انت كل مرة تعرفني إزاى
قاله : اصل دة مش تلفزيون دي غسالة


واحد محشش ماشى فى الشارع قابل واحد عنده حسنه فوق عينه
قاله : ممكن سؤال يا كابتن؟
قاله : إيه؟....
قاله : دى عين ولا غين؟؟؟؟


مدرس عربى دخل الفصل قال : النهارده حصة املاء .... يا اولاد اكتبوا ورايا
ذهب حسام الى المصيف يوم الاربعاء
راح ولد قام وقال : لو سمحت يا استاذ هو الاربعاء همزة على السطر ولاّ على الالف ؟؟؟
الاستاذ قاله : خلاص يا ابنى خليها الخميس



واحد بلدياتنا رجع من امريكا قاعد بيحكي لأبوه وأمه الحاجات الغريبة اللى شافها

دانا شفت هناك واحد وقع من فوق عمارة طويييلة.. قعد ثلاث ايام لحد ما وصل الأرض.

أمه سألته: و مات ؟؟

ابوه رد عليها : ثلاث أيام لا يأكل ولا يشرب
أكيد يموت




واحد مسطول راكب طيارة خبط علي كتف المضيفة وسألها :- الحمام فين؟
قالتله :- الناحية التانية
راح عالكتف التاني وسألها :- الحمام فين؟


اتنين رخمين اوي اتحكم عليهم بالاعدام
فسألو الاول :- نفسك في ايه؟..... قال:- نفسي اشوف امي
وبعدين سألو التاني :- نفسك في ايه؟..... قالهم :- نفسي متخلوهوش يشوف امه



مرة واحد مسئول بيفتتح حمام سباحة فالمدير قال له ده المنط يا فندم 30متر.... قوم نط يا مرزوق فنط مرزوق . وده يا فندم منط 50 متر قوم ياعوض نط فنط عوض .وده يا فندم منط 80 متر قوم يا نجيب نط فنط نجيب فقال المسئول هايل ..هايل .... قام المدير قال ولسه يا فندم لما نملى الحمام مايه


طفل صغير سال امة ازاى انا جيت الدنيا قالت له حطيت شوية سكر تحت السجادة لاقيتك جيت ... راح الطفل حاطط شوية سكر تحت السجادة... يومين و لاقى صرصار فقال له لو مكنتش ابنى كنت قتلتك


واحد ندل فتح مصنع بيبسي كتب على كل علبة : رج جيدا قبل الفتح


واحد انجليزى و واحد فرنساوى و واحد صينى راحو يجربو صدى الصوت الانجليزى قال هاللو فرد عليه صدى الصوت و قال هالوووو الفرنساوى قال بنجور رد عليه صدى الصوت و قال بنجوووور الصينى قال شونجا كونجا هونجاهى فرد عليه صدى الصوت و قال بتقول ايييييييه


مرة واحد متجوز عنده دولاب قافلة 20 سنة والمفتاح معاه هوه بس, مراته هتجنن
وفي يوم راح الشغل ونسي المفتاح. مراته فتحت الدولاب لقت 20 الف جنيه وبيضتين.
لما رجع سالته ايه حكاية البيضتين قالها بصراحه كنت كل ماخونك أحط بيض في الدولاب
الست قالت عشرين سنه جواز ومرتين بس مش مهم وسالته طب والعشرين الف جنيه
قالها كنت كل ماجمع كرتونه ابيعها

ابن بيسأل مامته "وهى حامل" انتي مالك تخينة النهاردة كده ليه ؟؟؟
قالت له : عيب متقولش كده يا ولد ، ده اخوك الصغير ....
تانى يوم الولد راح المدرسة فالمدرس سأله :عندك اخوات؟؟ قاله : ايوة ... بس ماما بلعته .


مرة نانسى وهيفاء واليسا ركبين قطر مع بعض

نانسى قالت انا نفسى اتجوز ضابط شرطة

وهيفاء قالت انا نفسى اتجوز راجل صينى

واليسا قالت ونا نفسى اتجوز لاعب كرة مشهور

دخل راجل سمعهم سلم عليهم وقال :-

معاكم العقيد شونج شونج الشهير بابو تريكة
__________________