انا قراءةالموضوع دا وعجبنى واتمنى انه يعجبكم
اسم الموضوع هو وهى
على اثر خلاف حاد بين احمد ومنى .. قرر احمد ان يدوس على قلبه وينسى منى
صرخ باعلى صوته : ياعالم ويا هوه حطق حفرقع حموت حرام عليكم انا ماليش دعوة ... ماليش دااااااااااااااااعوة
قال الطحال مهدئا : يابنى هدى نفسك ووطى صوتك .. بعدين الكلاوى تسمعنا...
قال القلب : بلا كلاوى بلا بلاوى ... سبونى فى حالى بقى ..انا قولت لكم 60 مرة خرجونى انا من الموضوع دا
ثم صرخ ثانيا : انا ماليش داعوااااااااااة
قال الطحال : تانى ؟ وبعدها لك بقى يا فؤاد يابنى انت موش هاتهدا علشان نعرف نتكلم ؟
قال القلب بغيظ : انا ساكت ...انا هادى ....
قال الطحال : بقى شوف يابنى ... انت عارف ان احمد مر بقصه حب فاشل وبرضه معزور .
قال القلب : مقاطعا: حب فاشل ماشى ، معذور مقلناش حاجه انما توصل لدرجه انه يقول انه حيدوس على ...عاوز يموتنى وانا يعنى عملت ايه ؟
قال الطحال : انت السبب ...
قام القلب وراح ينط فى صدر احمد من الشمال الى اليمين ثم قال : برضه بتقوللى انا السبب .. يعنى اطلع من ضلوعى ؟ اشد فى شريينى ؟
وهنا تدخلت الحنجرة وقالت صارخه : وبعدهالك بقى ياسى فؤاد افندى .. انت هاتفضل تنكر لحد امتى ؟ اعترف يا اخى !
قال القلب : انا ماليش ذنب .. هى السبب والله العظيم هى السبب ..
قالت الحنجرة : حرام تظلمها .. وبعدين فين دليلك ؟ انطق ..
قال القلب : حرام اظلمها ومش حرام تظلمونى ؟ انا موش هتكلم الا قدام الكبد ..
ومثل القلب امام الكبد ولم يقل سوى كلمتين : واجهونى بيها
قال الكبد : استدعو الانسه نظيرة فورا
جاءت العين وبمجرد ان اقسمت اليمين قال لها القلب : ياست نظيرة هانم .. اعترفى .. سايق عليكى المرىء تعترفى .. بقى مش حرام عليكى تعملى عملتك السوداء دى وبعدين ترميها على انا ؟
قالت العين : نعم ..نعم .. عملت ايه انا ؟ بقى مانتاش مكسوف من نفسك اما عجايب !
قال القلب : ارجوكى متنكريش .. قولى انتى عملتى ايه
قالت العين : معملتش حاجه
قال القلب : طبعا ماعملتيش حاجه خالص .. انا اللى كنت بسبل لها .. ودموعى انا اللى كانت زى المطر كل يوم .. انا الى رجعت وارم يوم ما اخو منى شاف احمد وهو بيعاكسها .. موش كدا ؟
قالت العين : بلاش تريقه وحياة ابوك .. موش انت اللى سهم كيوبيد رشق فيك .. ؟ موش انت اللى منت بتدق كل ما احمد يروح لمنى ؟
قال القلب لأ .. موش انا .. انا علطول بدق .. لما يروح لها او لما مايرحلهاش .. وللا كمان مش عايزانى ادق .. شاهدين عايزة تموتنى شاهد يا حضرة الكبد ..
قال الكبد للعين : عندك دليل على اتهامك لفؤاد افتدى ؟
قالت العين : طبعا الادله كتير .. خد عندك " عبد الحليم قال ( اول مرة تحب ياقلبى ) ماقلش ياعينى .. وبيقول كمان " بحبها وفقلبى ساكن حبها " وقارئه الفنجان قالت له " وحبيبه قلبك يا ولدى "
واحمد شوقى بيقول " وكنت اذا سالت القلب يوما .. تولى الدمع عن القلب جواب"
قال الطحال مظبوط .. دى كمان ثومه بتقول القلب يعشق كل جميل "
قال البنكرياس : ايوة .. دى شاديه وفريد قالوا " من ساعه قلبى ماحبك "
قالت الامعاء وليلى مراد قالت " انا قلبى داليلى "
صرخ القلب : بقى كدا ؟ كلكم عليا وللا ايه ؟
وهنا حكمت المحكمه حضوريا على الاستاذ فؤاد افندى بالسجن المؤبد مع الدق الشاق المستمر
هتف القلب : انا مظلوم .. مظلوم ..والله العظيم مظلوم
وهكذا كان مصير القلب المسكين مربوطا بالاحبال الصوتيه مجرجرا على الاوردة و العروق مسجونا خلف الحجاب الحاجز ... واهو ياما ورا الحجاب الحاجز مظاليم ..
اما انا .. فلا زلت مين السبب فى الحب ؟ فكما اتت الانسه نظيرة بالادله التى تثبت صحه اتهامها للقلب ..
اتينا بالادله التى تدين العين
فاحد الشعراء يقول " اشارتنا فى الحب غمز العيون .... وكل لبيب بالاشارة يفهم
حواجبنا تقضى الحوائج بيننا ...... فنحن سكوت والهوى يتكلم
وحافظ ابراهيم قال " غضى جفون السحر او فارحم .... متيما يخشى نزال الجفون
ونزار قبانى قال : الموج الازرق فى عينيك ... ينادينى نحو الاعمق
اما شاعر العاميه محمود تيمور فقد كتب زجل عن عيون النساء يقول فيه
من العيون ياسلام سلم شوف واتعلم
تحت البراقع تتكلم والدنيا نهار
وعيون تقولك انا عارفاك و النبى مانساك
من يوم ماشفتك من الشبالك ياجدع ياصغار
وعيون بسر الحب تبوح كدا بالمفتوح
وتعرف القلب المجروح ماعلهش ستار
وعيون تسبل فوق الخد دة جد فى جد
وعمرها ماتكلم حد عيون احرار
وعيون تحقق فيها بشوق تهرب على فوق
بتقولك ابعد عنى بزوق نظراتك نار


وهكذا احترت بين الامرين ... وما زاد حيرتى اجابه الصحفى الاستاذ " ايمن الحكيم " عندما سئل مين السبب فى الحب .. القلب ولا العين ؟
قال : المعدددددددة
قولى انت مين السبب فى الحب ...

مسروووووووووووووووووووووو وووووق