الكذبه البيضه.jpg


كان يامكان ياسعد يااكرام مايحلا الكلام الابذكر النبى عليه افضل الصلاة والسلام
كان فى ولد اسمه على واخته اسمها علا وفى يوم من الايام كان على وعلا بيلعبوا مع صحابهم وهما بيلعبوا راح على قال لأخته
تعالى نعمل حيلة فى اصحبنا لمه هنعمل كده هيحبونا وهيحبوا يلعبوا معنا على طول فراحت اخته قالتله ماشى
يلا انا عجبتنى فكرتك فقلها طيب هنعمل الحيلة دى بكرة وانتى هتعملى انك تعبانة اوى عشان هما يجوا يسألوا عليكى
وانا هضحك عليهم واقولهم انك تعبانة واخد منهم الحاجات الحلوة بتاعتهم وهما كده هيحبونا فهمتى فراحت علا قالتله ماشى
فهمت وتانى يوم فعلا على قال لصحابوا ان اخته تعبانة وفعلا راحولها وكان معاهم حاجات حلوة عشان يبقوا يكلوها
مع بعض راح على اخد منهم الحاجات الحلوة وكلها لوحده فزعلوا منه اوى وراح قالهم اختى مش تعبانة انا كنت بهزر وبلعب معاكو
وعملت كده عشان تحبونى قالوله بس كده احنا مش هنحبك وهنبعد عنك عشان انت كذبت علينا واكلت حاجتنا لوحدك
وراحوا ماشين وسبوه وراح على زعل وحس بالغلط اللى هو عمله هو واخته فحكى لمامته قالتله اللى انت عملته ده غلط
ولازم تروح تتأسف لصحابك ولازم مش تكذب عليهم تانى عشان يحبوك وتجبلوهم حاجات حلوة والا مش هيكلموك تانى
ومش هيلعبوا معاك راحت علا قالت وانا كمان لازم اتأسفلهم عشان انا كمان غلطانة انى كذبت وسمعت كلام على
وعملت الحاجة الغلط وفعلا راح على وعلا اتأسفوا لصحابهم وجابلهم حاجات حلوة وقعدو ياكلوها مع بعض ويلعبوا
وتوتة توتة فرغت الحدوتة حلوة ولا ملتوتة