بمناسبة ان النهاردة 23 يوليو واكيد الكلام هيبقا على الزعيم عبد الناصر

بس انا شايفة ان دة زمن خلاص راح نستفيد منه اه عشان نتدارك

اخطأنا السابقة لكن المهم هو اخطأنا الحالية

وعنوان موضوعى واضح

احنا بنكرة الريس لية انا عن نفسى من غير

اساءة فى الادب او خروج عن الالفاظ

انا اه صغيرة فى السن وممكن ما اكنش على دراية كاملة بالامور

السياسية والاقتصادية اللى زى الزفت فى بلدنا بس انا هتكلم من واقع

قرائاتى القليلة وانى دايما بحب اعرف الاخبار دوما

اكيد بعضنا بيتفق فى كرهه لسياسة الرئيس والبعض الاخر بيحبة

وبيدوب فى هواة طيب انت او انتى بتكرهى الريس لية

انا هقول انا بكرهة مش عشان شخصة انا بكرة عشان الاسباب التالية

1- نسبة البطالة العالية ومحدش يقولى العالم كله فى بطاله

2-المعونه الامريكية احنا مش محتاجينها مصر من مشروعاتها الكثيرة

تقدر تغطى ديونها من غير ما تحتاج لحد

3-نسبة الفقر كبيرة جدا فى البلد الفرق بقة شاسع وخطير بين الطبقة

الفقيرة والطبقة الغنية حتى اصبح الطبقة المتوسطة ليست لها مكان

اختفت

4- الانسان مش حاسس بكرامته فى بلدة اهانات من الشرطة

واعتقالات بدون وجة حق

5-المظلوم بيدخل السجن والظالم قاعد برة بيطلع لسانة ويقول انا

كسبت

حاجات كتيرة اوى اوى بس الوقت مش هيساعدنى انى اكمل

انا عاوزة اعرف منكم انتوا بتحبوا الريس ولا لاء ؟؟؟

ولو كنت بتحبة وبتحب سياستة لية ؟؟؟واية مبرراتك؟؟؟

ولو كنت بتكرهه بتكرهة لية ؟؟ واية اسبابك

هو موضوع على قدى وبطريقتى البسيطة ونفسى حد يشاركنى فى الحوار

وشكرا

عرفتوا بقة انه عثل :]