ازيكو يا جماعة
انا عايزة اقولكو على موضوع..... هو جد شوية للى عايز يكمل قراءة يعنى
ساعات بيكون مثلا فيه مشكلة عامة حوالينا ((يعنى مش مشكلة شخصية)) وانا حاسة من دراستى لمجال ما ف الكلية او كده ان عندى حل محدش اقترحه او انا عارفة انه ممكن يكون مؤثر ونفسى اخدم بلدى بيه بس المشكلة ان انا مش عارفة اقول لمين ومتاكدة ان صوتى مش هيتسمع ولا هيوصل لحد مسئول اصلا.

الفرصة دى انا لقيتها بما انا ف كلية علوم رئيس القسم بتاعنا هو ماشاء الله بروفيسور يعنى كان بيتكلم معايا انا وصاحبتى عن موضوع وقالنا دوروا عالنت وابحثوا وفى فرصةلكتابةمقالات وسماع صوتكو

فاضل اقولكو الموضوع ايه هو موضوع ايجاد طريقة للتخلص من الالغام المدفونة ف الصحاري المصرية وهل ممكن نستخدم بكتريا مثلا لتكسيرها وتحليلها وهل في نبات ممكن يدى دليل معين على وجود لغم هنا

بجد الموضوع يا جماعة حيوى لان فيه شخص اعرفه ف الجيش فعلا ليه اصحابه ماتوا م الالغام دى..ده غير ان اصلا بغض النظر عن انفجارها ممكن تكون فيها مواد مشعة تعمل بلاوى من غير انفجار ولا حاجة
المرة دى يا جماعة القضية دى مش هتكون كلام عالمنتدى بس.. فعلا لو اي حد بيحب بلده ونفسه يخدمها ممكن يبحث ويقترح وبجد لو حد عايز يحط هنا لينك معين لموضوع هاخده وهقوله للدكتور ومتخافوش حماية لقوانين الملكية الفكرية هاديله اسمك بالكامل عشان اى حاجة تنسب ليك

اخر حاجة عشان مطولش عليكو عايزة اقول متسهتونوش بقدراتنا لان احنا مش صغيرين وسننا ومستوى تعليمنا دلؤتى يسمح لنا بالتفكير وانقاذ اى حاجة ف بلدنا عالاقل تكون عملت اللى عليك ولما ربنا يسألك عملت ايه لخدمة اهلك وبلدك تكون خليت مسؤليتك
...فكروا براحتكو وردوا عليا