السلام عليكم ورحمة الله وبركاته

طبعا كلمة اعلام دى تشمل ( تلفزيون -وصحافة -واذاعة )

اى المقصود الاعلام المرئى وغير المرئى بشكل عام

من منا لم يشكو من اعلامنا المصرى السىء المبتذل سواء ما يقدمة من برامج على حد التعبير (هايفة )

وكذلك الافلام الهابطة لممثلين قد يكون لديهم موهبة ولكن لحبهم للكسب المادى بدأو فى عدم الاهتمام لا

بالقصة ولا بالاخراج ولا اى حاجة زى ناس كتير بدون ذكر اسماء

فى جمله مشهورة بيقولوها دايما( الجمهور عاوز كدا )

هو فعلا الجمهور عاوز كدا
................................

ندخل للصحافة للاسف ما بقتش صحافة بقت تجارة وفلوس وبس

سواء الجرائد الحكومية اخبار اهرام جمهورية ولا لها لازمة انا بقرف اقرأها اصلا

والمجلات اللى لازم وانت رايح تشترى جرنال لازم تلاقى مناظر مثيرة جنسيية على غلاف المجلات والجرائد

هل هنا كمان الجمهور عاوز كدا

وجرائد المعارضة والمستقله ماتلاقيش فيها غير ان فلان بيشتم فلان الفلانى المهم انها فى الاخر بتخدم

مصلحة شخصية وبس

فين دور الصحافة اللى اتخلقت عشانه انها تدور على الحقيقة وتثقف القارىء فين الحاجات دى

للاسف راحت بقت الصحافة همها الممثل الفلانى اطلق والممثله اتحجبت والاخرى اتقفشت فى شقة

كلام فارغ
00000000000000000000000

اما الاذاعة انا بعتبرها احسن حاجة لسة للاسف لم تبتذل

اعتقد ان الاذاعة رغم انها غير مرئية بس وانت بتسمع عمرك ما هتتعب من منظر وحش او تسمع حاجة وحشة

ياريت بجد نرجع للاذاعة تانى زى زمان

عاوزة اشوف رايكم كدا فى موضوع الاعلام المصرى

هل انا عندى حق ولا لاء ولا انتوا شايفين عكس كلامى هل هى مشكله ولا مش مشكله وعادى يعنى

مع احترامى طبعا للاعمال الجيدة والممثلين المحترمين والصحفيين المثقفين

انا عن نفسى بحب مصطفى بكرى -وائل الابراشى احمد رجب اكييييد (مثال )

الممثلين محمد صبحى طبعا كان نفسى ابقا معاه فى عائلة ونيس

مستنية رايكم