بسم الله الرحمن الرحيم
احب اعرفكم بنفسى الاول انا احمدعبدالحميد الشهرة (ابن حميدو)
ناوى ان شاء الله وبدون مقاطعة اخنقكم شويه
وناوى باذن الله اطهقكم من عيشتكم ودة من خلال عرضى لمسلسل (ابــــــــــــــــــــــ ــــــــــــــن حميــــــــــــــــــــــ ـــــــــــــدو 2008)



ونقول (بسم الله الرحمن الرحيم )


الخانقة الاولى

ابن حميدو ؛(لسه صاحى من النوم وصاحى مخصوص علشان يااخد فلوس من ابوة الحاج حميدو قبل ما يروح الشغل )

حميدو ؛ايه اللى مصحيك بدرى يا صايع (معلش اصل ابويا بيحترمنى موت )
ابن حميدو؛اعوذبالله من الشيطان الرجيم
حميدو ؛ايه شفت عفريت والا خلقتى مش عاجباك
ابن حميدو ؛ لا ازاى يا بوب دة خلقة ربنا هو بايدينا حاجة هانعمل ايه
ابن حميدو ؛بس ايه اللى منرفزك بس يا بوب عالصبح كدة
حميدو ؛ياض هو اللى يشوفك مايزعلش
ابن حميدو ؛ربنا يسامحك انا محترم ومش هاارد
حميدو ؛ترد على مين يا كلب
ابن حميدو ؛ولا حاجة يا بوب بس انت هدى نفسك علشان السكر والضغط والقلب شغالين اليومين دول وانت صغير
حميدو ؛وان شاء الله ايه اللى مصحيك بدرى كدة خير ان شاء الله
ابن حميدو حابدا انا قلت اصبح عليك قبل ما تروح الشغل
حميدو ؛اة وصبحت خلاص
ابن حميدو ؛ ايه يا بوب انت بتعاملنى كدة ليه هو انا كنت جوز امك
حميدو ؛جوز امى جوز امى يا كلب
ابن حميدو ؛الله يسامحك يا بوب
ابن حميدو ؛ايدك بئة على عشرين جنيه علشان خارج النهاردة
حميدو ؛ عاوز كام يا واطى عشرين جنيه ليه يا فالح هاتعمل بيهم ايه
ابن حميدو ؛ (اللهم طولك يا روح )
ابن حميدو ؛ ماقلنا هااخرج انا واصحابى النهاردة
حميدو ؛يالا ياض مافيش عشرين جنية
ابن حميدو ؛اة
ابن حميدو ؛يعنى انت مش هاتدينى الخمسين جنيه
ابن حميدو ؛ ماشى بس ماتبئاش تزعل منى ماشى
حميدو ؛ انت هاتزعلنى يا واطى
حميدو ؛ والله فعلا ماعرفتش اربيك يا كلب وعاوز اشوف هاتزعلنى ازاى
ابن حميدو ؛اصل انا يا بوب من النوع اللى بيفتن موت واحتمال وانا قاعد مع ماما النهاردة اقولها كلمتين
حميدو ؛ كلمتين ايه ؟
ابن حميدو ؛ الكلمتين بتوع امبارح الساعة تلاتة الفجر
حميدو ؛ كلمتين ايه يا ابنى
ابن حميدو ؛ يعنى لازم تخلينى اتكلم مش فاكر التليفون اللى جالك امبارح الساعة تلاتة الفجر وطلعت اتكلمت فى البلكونة
ابن حميدو ؛ يعنى لازم تخلينى افتكر كل اللى انت قلتة للحاجة منى المزة بتاعتك
حميدو ؛ هو انت كنت صاحى ؟
ابن حميدو ؛ طبعا يا بوب امال انت فاكر ايه
حميدو ؛ ياابنى دة كانت النمرة غلط
ابن حميدو ؛ النمرة غلط وقعدت تتكلم لغاية الساعة سبعة الصبح
ابن حميدو ؛المهم هاتجيب السبعين جنيه والا لا

حميدو ؛ياابنى هما مش كانوا عشرين جنيه
ابن حميدو ؛ليه والتاخير دة مش عليه فوائد والا هى ميغا

حميدو ؛حسبى الله ونعم الوكيل

ابن حميدو ؛انت بتقول حاجة يا بوب

حميدو ؛لا ولا حاجة يا حبيب قلبى

ابن حميدو ؛دلؤقتى حبيب قلبك ابهات اخر زمن والله

حميدو ؛طيب معاك فكة مية

ابن حميدو ؛هات ويبئة ليك

حميدو ؛خد ياابنى حسبى الله ونعم الوكيل

ونكمل الخانقة بعدين ان شاء الله


اوعوا تنبسطوا عاوزكم مخنوقين كدة


ابـــــــــــــــــــــــ ـــــــــــــــــــــــــ ـــــن حميــــــــــــــــــــــ ـــــــــــــــــــــــدو 2008