ازيكم يا حبايبي النجعاويه

طبعا كلنا عايشين في وهم ان سينا رجعت كامله لينا ومصر اليوم في عيد

انا كمان كنت معتقد كده لحد ما اكتشفت ان في جزء من سينا لسه اسرائيل محتلاه

ايوه والله احنا لسه مسترديناش اخر شبر من سيناء زي ما احنا مفكرين والعمليه مطلعتش حكايه شبر من ارض الوطن دي طلعت حكايه 1500 كيلوا متر مربع من ارض الوطن(شوفوا بقى دي تيجلها كام شبر)

المنطقه دي اسمها ام الرشراش او اللي اسرائيل بتسميها ايلات

المفاجأه اللي انا اتصدمت بيها ان ام الرشراش (ايلات)هي ارض مصريه 100%

نتكلم على رواقه بقى ونقول ايه هي ام الرشراش وايه دليل انها ارض مصريه 100%

أم الرشراش قرية مصرية سميت بهذا الاسم نسبة إلى احدى القبائل العربية التى كانت تقيم فيها كما كانت تدعى فى الماضى بقرية الحجاج حيث كانت مكانا لراحة الحجاج المصريين المتجهين للأراضى المقدسة فى مكة والمدنية , أما اسمها الآن فهو إيلات وقد احتلتها إسرائيل فى يوم 10 مارس عام 1949 أى بعد ايام قليلة من توقيع اتفاقية الهدنة بين مصر واسرائيل والتى تم توقيعها فى 24 فبراير من نفس العام.

وام الرشراش ليها اهميه عظمى وهي انها الطريق البري الوحيد اللي بيربط بين الوطن العربي الشرقي والغربي

واسرائيل تعلم هذا جيدا لذلك فهي لن تعطينا منها شبر واحد

نرجع للسؤال ازاي اسرائيل احتلت الارض دي

هذه الرض كان يقيم فيها 350 جندياً وضابطا مصرياً و عندما هاجمتها احدى الوحدات العسكرية الصهيونية ذبحت وأبادت جميع من فيها واحتلتها فى عملية أطلق عليها عملية عوفدا.


ايه رايكم بقى في الخدعه اللي احنا عايشين فيها دي

انا خايف اصحى في يوم من النوم الاقي دوله اسراءيل الكبرى بقت حقيقه

الموضوع لسه فيه كلام كتير بس انا خايف اطول عليكم اكتر من اللازم وهأجله لمره تانيه