السلا م عليكم

تصوروا يا جماعة للاسف فى اكتر من منتدى الاقى ناس كتير عاملين يقولوا على الزعيم جمال عبد الناصر انه

خاين وعميل وحاجات تانية بلاش اقولها

انا بس عاوزكوا تسمعوا الكلمتين دول وتقروهم وهتعرفوا ان دة عبد الناصر بجد

هو دة عبد الناصر

دا جزء من كلمة للرئيس جمال اثناء قرارة بتأميم قناة السويس )

والله انا تعبت عشان اكتبة هو اساسا موجود عندى بالصوت

مصر كلها ستقاتل لاخر قطره من دمائها كل واحد من ابنائها زى ما قلتلكم زى صلاح مصطفى
وزى مصطفى حافظ
كلنا سنقاتل لاخر قطره من دمائنا سنقاتل فى سبيل بناء بلدنا وفى سبيل بناء مصر

لن نمكن منا تجار الحروب
لن نمكن منا المستعمرين
لن نمكن منا تجار البشر
سنعتمد على سواعدناوعلى دماءنا وعلى اجسامنا احنا اغنيه
كنا متهاونين فى حقوقنا
بنستردها وقلتلكم فى الاول معركتنا مستمرة
نسترد هذة الحقوق خطوة خطوة
وسنحقق كل شىء
هنبنى مصر القوية
وسنبنى مصر العزيزة

ولهذا قد وقعت اليوم ووافقت الحكومة على القانون الاتى :


قرار من رئيس الجمهورية بتأميم الشركة العالمية
لقناة السويس )



هو دة عبد الناصر يا جماعة

انا حبيت اجيب مقدمة حلوة جدا للريس جمال عبد الناصر وهو اصلا مش محتاج مقدمات

انا فى راى ان الريس جمال احسن رئيس دوله مسك مصر اكيد مش كلنا هنتفق واكيد برضه فى كتير مننا

هيتفق على كلامى عاوزين نناقش حكم الريس جمال بالمميزات والعيوب

انا بجد جاتلى الفكرة بسبب واحدة صديقتى فلسطينية

المهم قعدنا زيادة عن الساعتين انا بشجع الريس جمال وهى بتشجع السادات

ومن درجة حبها فى السادات بتقولى ان ياريت حد عندنا عمل زى السادات فى موضوع

مبادرة السلام كان زمانهم عاشوا فى سلام زينا

سيبكم من الريس السادات دلوقتى خلينا فى عبد الناصر

اتقال علية كلام كتير انه خاين وعميل وان موضوع التنحى دة كانت حركة

وان عبد الناصر كان عارف كل حاجة خاصة باعمال البوليس السياسى واعمال التعذيب وكدة انتوا طبعا فاهمين

وانو مسك الحكم هو وشوية الظباط كأنها عزبة ابوهم والكلام اللى دايما تسمعوهم بيرددوة

عاوزة حوار نار عاوزة ناس مصحصحة للون عاوزة اللى يدخل يناقش بجد

انا مستنية ومستعدة جدا جدا جدا للمناقشة ومذاكرة

من اول مبارز؟ :



واللى حابب يحتفظ بكلمة الريس جمال ويسمعها احسن

اللينك اهو

http://www.geocities.com/yahia_al_shaer/Nation-1.mp3

وان شاء الله بعد ما هنخلص عبد الناصر هنروح للسادات ونشوف الكواراث والايجابيات اللى عملها

بس بعد عبد الناصر باذن الله