(القانون لا يحمى المغفلين)
مقولة تذكر دائما ومعناها ان الجهل بالقانون لا يعفى صاحبه من الالتزام بالقانون . اللى يبص على حالنا فى مصر والدول الاسلامية والعربية هيكتشف حقيقة مهمة وهى ان فسادوطغيان الحكومات دائما ما ينتج عن جهل الشعوب. جهل المواطن بحقه يؤدى الى ضياع الحق. فلما ذا لا نمحوا أميتنا !!!!!! طبعا واحد من اخوانا يقوللى ايه يا عم انا بقالى تسعين سنة باتعلم ومذاكرة على طول من اول ما وعيت على الدنيا وانت دلوقتى جاى تقوللى ادخل محو الامية!!!!!!!!!!!!!! الحقيقة العجيبة يا اهل النجع والنجوع المجاورة ان بلد كبيرها وصغيرها بيتعلم بلد كلها بتذاكر . بلد كلها واقفة على نتيجة الثانوية العامة
زالثانوية العامة الحاجة الوحيدة اللىغطت على الكورة ولاهلى والزمالك. الثانوية العامة التى لها جمهور فى مصر اكتر من جمهور كاس العالم. بلد زى دى ازاى حالها يكون بالتخلف دة . دولة من دول العالم الثالث احوالها الاقتصادية مهكعة بطالة وفى ازدياد اسعار وفى ازدياد عملتها ولا تسوى,سياسيا دولة نسبة التصويت فى انتخابات الرئاسة لم تبلغ ال25% وانتو اشايفين اللى حاصل طيب الغلط فين. القصد والمطلوب هو اننا نساهم كل واحد بما يستطيع ونعمل باب ثابت فى المنتدى لمحو الامية القانونية فالجهل بالقانون عامل مهم فى الفساد خاصة من جهة رجال الداخلية ومع موظفى المصالح الحكومية. اتمنى المشاركة الجادة فى هذا الموضوع المهم من كل اهل النجع الكرام الجدعان والجدعات والحاضر يعلن الغايب. اتمنى اتشرف بارائكم الجادة النافعة وافكاركم المثمرة وشكرا والسلام عليكم