منقول من قهوة كتكوت
بسم الله الرحمن الرحيم

محدش يتضايق من العنوان

ولكن كما تعلمون نحن فى موسم الثلاثى المرح الحر العرق الناموس

مفردات فى منتهى الصعوبه

طيب و الأستحمام ؟


أنا أوضح لكم الأمر بناء على طلب و نداء يا عينى انسانى بحت من السيد تونى بلير رئيس وزراء بريطانيا لعامه الشعب الأنجليزى

يناشد فيه سيادته العالم ال......... ولا بلاش .......... أنهم يستحموا

توجه مندوب من العياده الهريديه للقاء سيادته مستفسرا !!

المندوب : أهلا بلبل باشا

بلير : أخلا و سخلا خبيبى

المندوب :: إيه يا مان الأخبار ؟ أنت زعلان من الشعب الأنجليزى ولا ايه ؟

بلير : جدا جدا خبيبى

المندوب : : ليه بس كده

بلير : ناس موش نديفه.ألام ( عالم يعنى ) ميأفنه ( معفنه يعنى )

المندوب : : و الحل ايه

بلير : لازيم يستيهموا ( يستحموا يعنى )


المندوب :ليه يا بلبل عاوز الأنجليز يستحموا ؟

بلير : إهنا فى موسم هر شوديد هينا فى بريطانيا و الناس هينا بتركب ميترو أنفاك و ميترو الأنفاك تهت الأرد و تهت الأرد الجو خانك و كتمه جدا جدا


و بسبب الزهام فى المترو ستجد أن رائهه الأرق ( يقصد العرق ) تسبب هالات تسمم ( دى متفبركه من عندى ) و كذلك تسبب هالات أختناق ( برضه فبركه )


إلى هنا إنتهى كلامه



بجد يا شباب جريده الأهرام نشرت المطلب ده مؤخرا

و فعلا فى الحر لابد من الأستحمام طيب ليه :

فى الأستحمام عده فوائد نعددها معا :

1- ينشط الدوره الدمويه خصوصا لو بتتليف ( يعنى بتستخدم الليفه )

2- يجدد خلايا الجلد ( لأنك بالأستحمام و برضه لما تتليف ) بتشيل خلايا الجلد الميته

3- التخلص من رائحه الأرك على رأى تونى بلير قصدى طبعا العرق و هنا مربط الفرس ليه

أ- تتخلص من البكتيريا المسببه لرائحه العرق
ب- يفوح منك روائح طيبه
ج- ترحم خلق الله المساكين المتزنقين فى المترو أو المواصلات من عبق رائحتك الكريهه ( عفوا فى التشبيه )

و أخيرا

يا أمه محمد صلى الله عليه وسلم

الكلام ده وجهه رئيس وزراء بريطانيا للشعب بتاعه

الناس دى مش مؤمنه و لا مسلمه و رغم كده كبيرهم بيوصيهم بالنظافه

مش احنا برضه مسلمين

أنسينا حديث النبى صلى الله عليه وسلم " النظافه من الأيمان "

أرحموا الغلابه اللى بيركبوا المواصلات

هى تبقى خنقه حر و خنقه زحم و خنقه f روائح عرق


لنا عوده مع الليفه