اخيرا خدنا المركز الاول فى حاجه

بيقلك يا ريس ان فى مؤسسة امريكيه كبيره عملت استطلاع للرأى فى 47 دوله حول العالم

لقو بقي ان فى مصر 13 % بس هم الى اجابو على سؤال ( هل انت راضي عن حكومتك ؟ ) بنعم

سبحان الله بقي يجي يقلك ان اسرائيل جات فى المرتبه التانيا و كانت النسبه هناك 23 %

اما اعلى نسبه رضا عن حكومه فكانت فى ماليزيا وكانت بنسبه 92% و كان بعدها الصين بنسبه 89 %

وبالنسبه للدول العربيه

فكانت الكويت رقم واحد بنسبه 79 % رضا عن الحكومه
وبعدها لبنان 61 %

( الحته الجايه دي تقيله )

بيقلك بقي يا ريس ان بالرغم ان العالم فى مصر هنا مش طايقا الحكومه

الا ان مصر جات فى المركز الثاني شعور بالامان

كانت نسبه الخوف من الجريمه فى مصر كانت 16 بالميه بعد فلسطين و الى كانت النسبه فيها 8 بالميه بس

تقريبا ما سألوش الاخوان

واستطلاع تالت بقي ( هم فاضيين ولا ايه )

بيقلك ان المصريين هم رقم 2 تشاؤما من المستقبل

وكانت فلسطين فى المركز الاول بنسبه 44 %ومصر بعدها 43 % الى توقعوا ان مستقبل اولادهم فى مصر منيل بستين نيله

- معلش استحملوا الناس دول

عملوا استطلاع للرأي تاني عن صوره امريكا فى العالم

لقو ان النسبه بقت فى الضياع فى كل بلدان العالم ما عدا اسرائيل و الى كانت اكت دوله مطمئنه

الى عاوز يعمل حاجه يعملها بقي

عملوا كمان استطلاع للرأي و دا كان قنبله فعلا
وهو ايه اكتر الدول العربيه اعتبار اسرائيل تمثل تهديد

كانت فلسطين هي اقل دوله شعور بان اسرائيل تمثل تهديد و كان بنسبه 66 % و كانت الاكبر فى مصر كانت 86 بالميه


بس خلاص