الله يخرب بيتهم تاني
الحكايه بتقول

ان السيد المحامي احمد عبد العزيز و عمره 51 سنه
انه تعرض لاعتداءات بدنيه شديده و تحرشات جنسيه اودع على اسرها فى قسم المخ و الاعصاب باحد المستشفيات

بيقول المحامي انه اثناء نزوله من الميكروباص و طلبه الباقي من السائق جاله النقيب اشرف مرجان ( دا غير مرجان احمد مرجان ) بيقله بقيلك كام يعني ؟

ولما عرف انه بقيله 25 قرش بس اتنرفز عليه وشتمنه و .... و انت معطلنا علشان ربع جنيه

و امر الضابط المخبرين الى معاه بانزله لانه اعترض على الشتئم و نزلوا عليه ضرب بالبواني و الشلاليت وقاله انت عارف انا مين

انا معاون القسم

قاله و انا محامي

قاله يـ..... ( شتيمه يعني ) المحامين كلهم و انهالو عليه تاني باللكمات و بعدين اخدوا للقسم

وفى القسم : ( دا كلام المحامي ) وضع المخبرو ايديهم فى مؤخرتي أكثر من مره و ربطوني لتعليقي


وبعدين جيه المحامين صحابه و عضو مجلس الشوري عبد السلام الخضراوى فاستدعى الظابط المحامي لمكتبه و قبل رأسه و اعتذرله و بعد كدا جاله ضيق تنفس و حاله اغماء و اتنقل على اثرها للمستشفي

وامر اللواء مبروك هندي مدي امن القليوبيه نقل الظابط الى ديوان عام المدييه لحين الانتهاء من التحقيق و أمرت النيابه احاله المحامي للطب الشرعي


اما عن الظابط
فا نفي جميع الادعاءات الى اتهمه بيها المحامي
وقاله ان كل ما نسب اليه زور و بهتان
مؤكد ان قوة المباحث تعاملت معاه بكل ادب و ( لياقه ) و محصلش اى تجاوز على الاطلاق

وبيقلك دا انا يا حرام و انا معدي على الطريق لقيت احد المواطنين ( قصده المحامي ) بيتخانق مع سواق عربيه جيب اجره ( مش عارف ازاى جيب و اجره )) و بمجد ما وقفت عربيه الحاكومه ورا العربيه الجيب
هرب السواق علطول ( بالعربيه طبعا ) و فضل الراجل يسب و يلعن فى الحكومه و المرور و السواقين
(
طبعا بما ان مرجان راجل محترم
لازم يشوف الرجال دا زعلان ليه )

بعتله مخبر علشان يعرف الى حصل
خصوصا ان المنطقه دي كان حصل فيها جريمه قتل من فتره قريبهو سرقه بالاكراه وهو دا الى دفعهم لانهم يعدوا بصفه مستمره من هناك
فا المحامي افتكر ان المخبر دا جاي يتخانق معاه راح ضربه
( سبحان الله المخبر اضرب ما اتكلمش )
راح الظابط نازل بنفسه
وعرفه بنفسه علشان يمتص غضبه الا ان المحامي اصر على السب و الشتائم
ورحنا القسم
وهناك المحامي بدأ يتفهم الى حصل و فعلا اعتذر المحامي للظابط و المخبر
وبعد ما مشي من القسم اتفاجئ الظابط الغلبان باشاره من احد المستشفيات بتؤكد ان المحامي احمد عبد العزيز اصيب بكدمات فى امكان مختلفه

وخرجوا بسرعه بقي الظابط
علشان يدوروا على العربيه
والناس الى كانو ركبينها

وفعلا مسكوهم
و شويه كلام كدا ملوش لزمه زي كل كلام الظابط
الى فعلا بيستفز


والجدير بالذكر ( حلوه الجدير دي :]) ان الظابط دا سوابق

ايوة سوابقي

لان دي مش اول مره يعملها
دا فعلا اعتدي على اتنين محامين تانيين قبل كدا


تقريبا مش طايق المحامين

طب دلوقتى دا محامي و ربنا يكرمه و يعرف ياخد حقه

طب و بقيه الشعب الغلبان ممكن يعمل ايه