حــــــــــــــــصل وحــــــــــــــصل وحـــــــــــــــصل




استقللت ذات يوم تاكس متجهه الي أمبابه لمشوار ما

وحينما كان التاكسي مارا بمنطقة النفق لفت نظري انا والسائق

ان الاتجاة الواحد تسير فيه الميكروباصات بطريق عكسيه

وطبعا ناهيكم عن الزحمه الرهيبه ..

علق السائق علي ذلك الميكروباص البجح

" ماشي غلط وكمان ايه ..بسرعه "

انه في ذلك الطريق حصلت حوداث وانه منذ كذا يوم واحده حامل

ومعها امهاوطفل صغير .. يعدوا كلهم الشارع خبطهم ميكروباص

مسرع ..

وماتت السيدة الحامل ..طبعا هو بيحكي وانا خوفت وانقبضت

الكلام ده وانا في اتجاه الذهاب اما بقي في العودة من نفس الطريق

كان المرده امام عيني ميكروباص شكله يدل انه جديد وبرده ماشي في

عكس الاتجاه .. حصلت له مفجاءة .. تخيلوا كدة ايه هيه ...

ظهر له ضابط شرطه واضح ان مراته مزعلاه حبتين وقف الميكروباص

واخذ يضربه بعصا كانت في ايده بطريقه عصبيه وكسر له الزجاج برده بالعصا

والناس اتلمت وحاشت وفي النهايه اخذ هذا السائق معه في سيارته

وطبعا كل الناس اللي جوه الميكروباص واللي في الشارع قعدت تدعي

علي هذا الضابط لضربه السائق وتكسيره الزجاج

بصراح انا رجعت بيتي وانا افكر وحاسه انه في جزء صح وجزء خطا

وطبعا حكيت لزوجي تفاصيل المشوار ..

وفؤجئت برائيه وبصراحه اقتنعت بجزء منه عارفين قال ايه زوجي

قال : هذا السائق يستاهل اكتر من اللي حصله لانه من الاساس لو هو

ماشي صح عمر ما حد يكلمه .. طب والضرب اللي اتضربه ده انا اللي

باسال .. قال برده يستاهل .. لانه اغلب سائق الميكروباص واخدنها عافيه

وبلطجه واكيد الضرب اللي خده ده جزء من نفس عمايله ,

يقصد " الجزاء من جنس العمل "

وطبعا ده راي زوجي .. بصراحه من القرف اللي بيشوفه من سائقي

الميكروباص وهو .. بيسوق العربيه

بصراحه اقولكم .. ماقتنعتش بجزئيه الضرب لانها ضد الا د ميه

ومش معني انه بيعامل الناس ببلطجه .. انه يتعامل بنفس الطريقه

بس فيه طرق اخري نظمها القانون في هذا الصدد ..

والا هتبقي حياتنا كلها بلطجـــــــــــه x بلطــــــــــــجه

والا انتم رايكــــــــــــــــــم أيـــــــــــــــــــــه .. ؟؟؟


طمطم