مساء الخير يا جماعه

دلوقتى كلنا سمعنا طبعا عن اشاعه وفاه مبارك ومحتارين اذا كان الموضوع صح ولا غلط

وفى انباء قالت انه كان امبارح فى برج العرب عندنا يعنى

وطبعا ده محصلش لانه لما بيجى اسكندريه او بيروح اى بلد بتتقفل من اولها لأاخرها وعساكر هنا وعساكر هنا وبنبقا مش عارفين نروح حتا حتى عمال المصنع اللى راح زاروه كانوا جيبنهم من قفاهم مش جيبين وشوشهم :]


انا حتى جاتلى فكره كده غريبه معرفش ممكن يعملوها ولا لا بس مفيش حاجه بعيده عليهم

انهم يعملولوا دوبيلر يعنى واحد يبقى شبه بالظبط ويفضل عايش ويحكمنا طبعا بس مش هوا اللى حيحكمنا طبعا احنا عارفين مين وميقلوش لحد فى العالم انه مات اصلا فكره غريبه بس ممكن ليه لا

تانى حاجه بقى لو مات فعلا وعملوا لقدر الله كده استفتاء وسمحولنا كل واحد فينا يختار الرئيس الجديد

مين ممكن يكون فى بالك انت عايزه يحكمنا ودينا شوفنا انتخابات الرئاسه اللى فاتت والمناظر الغريبه اللى كانت مرشحه نفسها

متخيلين مين يبقى الريس بتاعنا وياترى حيبقى زى اللى قبله ولا كل اللى احنا فيه حيتغير فى يوم وليله

كل واحد يحلم كده ويفكر عايز مين والله حتى لو فى مواطن بسيط كده فى بالك قوله متسيبش حاجه فى نفسك

بس المشكله انه اللى حيمسك ده حينسانا بعد كده وحترجع ريمه لعداتها القديمه

بصراحه كده انا لسه مش قادره اتخيل ايه ممكن حيحصلنا وحنفوق ولا حنفضل كده اصل احنا اتأقلمنا خلاص مش شايفين غيره انا عن نفسى بقول زى الناس اللى نعرفه احسن بس حنفضل قد ايه مع اللى نعرفه ده لازم حيتغير

يالا عايزه اعرف كل واحد متخيل ونفسه فى مين وزى ماقلت حتى لو كان مواطن بسيط تعرفه شخصيا قلنا عليه وقلنا سبب اختيارك ليه وايه الصفات اللى لاقتها فيه وحسيت انها حتتناسب مع المنصب ده وانها مش حتتغير مع الظروف اللى حتجد عليه

واعزرونى طولت ده غير انى معنديش ثقافه سياسيه :]