إختفاء حذاء أشرف مروان بعد قل جثته الى المشرحه

اشرف مروان هو الدبلوماسي المصري الى توفي فى لندن من فتره
نتيجه سقوطه من البلكونه

وفى شبهات انه اتقتل

بتقول صحيفه تايمز ان الحذاء الى كان لابسه اشرف مروان لما وقع من البلكونه
اختفي تماما بعد نقله الى المشرحه

و واحد هيقلي ايه اهمية الحذاء دا؟؟

اقلك انا يا ريس

الحذاء دا يا معلم دليل قوي جدا على ان اشرف مروان انتحر او اتقتل

مش فاهم ازاى يعني

لان علشان السيد اشرف يرمي نفسه من البلكونه لازم كان يطلع على ( زهريه نباتيه ) ومنها الى وحدة التاكييف علشان يعدي السور علشان يرمي نفسه

وفى الحاله دي من الطبيعي ان يكون فى الحذاء بتاعه اي شئ من تراب الزهريه او من التكييف مثلا

وكمان...

عائلته بتقول انه كان بيعاني من مشاكل فى الاعصاب كانت بتأثر على قدميه و ما كنش بيقدر يدخل الحمام بدون مساعده

وبتقول الصحيفه كمان
ان الشرطه البريطانيه بتستجوب شاهد جديد بيقولوا انه شاف مروان لحظه سقوطه
والى خلاه يجري بسرعه ناحيه الشباك
وانه شاف اتنين يحملو ملامح ( شرق اوسطيه ) بيبصوا بهدوء على الجثه و بعدين اختفوا من الشقه

وكمان الدكتور مني عبد الناصر زوجة مروان قالت ان جوزها اخبرها ثلاث مرات انه ممكن يتقتل و دا بعد اثارة قضية عمله كعميل مزدوج فى إسرائيل