السلام عليكم ورحمه الله وبركاته .................
كلنا عارفين ان الكلمه اساس اى بدايه يعنى اساس اى صداقه جميله واساس اى خناقه طويله :]
وعلشان كده انا النهارده عايزه ققوللكم كام كلمه .........................................وربن يستر

ياجماعه مش عايزين نقف لبعض على الواحده عايزين نفوت ونعدى شويه علشان نحافظ على الى بنحبهم


يعنى لما خطيبتك تجيب سيره البنات الى انت عرفتهم قبلهادا مش معناه انها عايزه تنكد عليك او تجر فى شكلك لاوالله البنات دول غلابه
دى كل الحكايه انها عايزاك تقولها انها غيرهم واش جاب لجاب وكام كلمه حلوين وعلى راى جورج "انت غيرهم ياحبيبى انت غيرهم" :]


وبرده يابنات بلاش نقلب كل شويه ونعد ونسال على كام واحده عرفهم وافتكرى ان هو معاك انت دلوقتى مش مع حد تانى
وعلى راى عمرو"مابلاش نتكلم فى الماضى الماضى دا كان كله جراح..........
وما دمت بحبك انا راضى هندور ليه على شىء راح.............."



ولما تشوفك بتكلم قريبتك الى كانت ماما عايزه تخطبهالك شىء طبيعى انها تسالك كنت بتتكلموا فى ايه وعلشان ايه..................
وبلاش تقولها هو تحقيق فكر دايما انها بتعمل كده بدافع الحب والغيره وحاول تريحها وقولها على الموضوع مدام انت واضح وصريح ومعندكش حاجه تخبيها " زى ما كلكوا بتقولوا"
واوعى تقولها غير الى حصل اسمع كلامى................."ليها طريقتها وهتعرف من قريبتك وساعتها................."



وانت برده لما تكلمى حماده ابن خالتك الى مامتك كان نفسها تجوزهولك لانه احسن راجل فى الدنيا بس علشان هو ابن اختها لازم يسالك كنت بتقولو ايه وبلاش تقولى هنكون بنقول ايه دا ابن خالتى ودلوقتى زى اخويا تمام لالالالالالالا اعملى حسابه يعمل حسابك وماتحوليش تخبى حاجه
"كله سلف ودين حتى المشى على الرجلين"



وعلى فكره لما تزعلها على قد ماهى هتكابر وهتعمل ان الى انت عملته ذنب لايغتفر على قد ماهى مستنياك تيجى تصالحها وتقولها معلش انا مقدرش على زعلك وهى تصالحك على طول"مش قولتلكوا البنات دول غلابه" :] :]



وانت برده لما تزعليه مش تقولى ايه يعنى ماياما زعلنى ومدام انت الغلطانه المره دى يبقى لازم تصالحيه وبلاش تفكريه بكل مره زعلك فيها "علشان كده مش هتتصالحوا خالص"
" انا منكوا وعرفاكوا" /mr47 /mr47



يعنى بلاش نحبكها وبلاش نفترض السىء على طول

رغم انا انا عارفه ان البنات بتحبكها زياده وفى الى بتغير من اختك لو كلمتها كتير وفى الى بتكلمك عشرين الف مره فى اليوم ولو مره منهم مردتش تقولك كنت بتعمل ايه ومش عاوزنى اعرف ولا كنت بتنفضلى المهم تزعل وخلاص
وفى ................ وفى........................ :]"انا عارفه بلاش تنبيط"


بس برده الولاد مش بيعجبهم العجب ولا صيام رجب



وعلشان كده لازم نفكر دايما ان دى كله بدافع الحب او بكل بساطه علشان نسمع كلمه حلوه

ونعدى ونفوت علشان تعدى "وزى ماقالت نوسه الدنيا حلوه..........."



ولو لاقدر الله زعلنا من حد بنحبه على طول نفتكرله كل حاجه حلوه عملهلنا وبلاش نفتكر الموقف الى زعلنا منه وبس وياريت لوزعلنا منحد نجيب الموبايل ونفتح الرسايل ونقرا كل رساله حلوه كان باعتهالنا الى زعلانين منه وصدقونى اول لما تخلصوا الرسايل قرايه على طول هتقوموا تكلموه وتصالحوه

ولو مالقتلوش رسايل يبقى جلده وسيبك منه احسن


"جربوا وابقوا ادعولى "
ويارب الموضوع يعجبكم..................