سلامو عليكو ياجماعة
____________________
ازيكوا
يارب تكونوا بخير
_______________

كنت عاوزة افضفض معاكوا شوية اصلي خلاص قربت انفجر

انا ياجماعة في تالتة بيطري
طبعا دخلت بيطري بسبب المجموع <لانها وبصراحة الكلية الوحيدة اللي محدش بيشرفها بمزاجه>
قلنا الحمد لله اهي احسن من غيرها وادينا هنكون دكاترة وربنا يسهل ونقدر نعمل اي حاجة للبلد
بدأت الدراسة وبدأ معاها الهم.........

مواد صعبة وطبعا بالانجليزي
قلنا ماااااااااشي بسيطة

دكاترة بيضطهدونا وزي ميكون احنا في معتقل
معاملة سيئة جدا وكل يوم كم هائل من المعلومات ولازم تذاكروا
لان في تطبيق عملي علي الكلام دة
وبقينا ياولداااااه مرمطة مبين مشرحة لمعمل ايشي تشريح وايشي فسيولوجي وهستولوجي وكيميا وفيزيا وسلوكيات انتاج ووووووو..........

طيب بعد كله يسيبونا نرتاح حبتين

لا
مفيش فواصل بين السكاشن والمحاضرات ولا حتي خمس دقايق؟ايوة ياسيدي ولا حتي خمس دقايق

طيب نأكل لقمة؟ لا ياخويا انت جاي تاكل والا جاي تتعلم
طيب نروح نصلي الضهر؟ابقي صلي لما تروح ياحبيبي <الدين يسر>

لو اتاخرت دقيقة عن السكشن والا المحاضرة.........برة يافندي لسة فاكر حضرتك؟

والا الكتب...........
ياعيني علي الكتب..........
تحس انها معمولة من ورق جرايد ومفيهاش صور ولو فيها صورة بتكون متبهدلة ولك ان تتخيل بقي ايه اللي في الصورة
وتلاقي اقل كتاب بخمسن جنيه.......ازاي؟؟؟؟؟؟؟؟؟متعر ش


خلصنا اليوم روح ياسيدي بقي في الحر ومش لاقي مواصلات وريقك ناشف ياعيني عليك وعاصفير بطنك بتهوهو

وبعد دة كله بنقول الحمد لله
كلها خمس سنين ونخلص من الهم دة
____________






اكيد افتكرتوني خلصت


لا
لسة بدري

تعالي بقي شوف نظرة الناس لينا

انت في كليه ايه ياكتكووووت؟
طب....... طب.......... طب.......

خايف يقول

ها قوووووول
طب ب ب بيطري

ياااااااااااااااااه
وكأنك قلتله نكتة

الراجل فطسان علي نفسه من الضحك

ايه ياعم هو انا بزغزغك

وتلاقي بقي التريقة شغالة

اللي يقولك دكتور بهايم
واللي يقولك اخبار الفراخ تحت السرير ايه؟
واللي يقول....
واللي يقول....


ليه كدة؟؟؟؟؟؟؟؟؟؟؟؟؟؟؟؟؟؟؟

متعرفش

هو مش الطب البيطري دة علم زي باقي العلوم

مهم جدا

خصوصا في ظروف زي اللي احنا فيها دي

مع انتشار امراض خطيرة امراض معدية بتتنقل للبشر زي انفلونزا الطيور والخيول والحمي القلاعية وجنون البقر و و و..........

بس تعرفوا السبب حاجتين

اول حاجة جهل ناس كتير باهمية الطب البيطري

تاني حاجة الاعلام..........

يعني لو شفت فيلم فيه دور لطبيب بيطري لازم يكون دور كوميدي ولازم في تريقة وضحك ومطلعين شكله زي الجزار بالطو متلطخ بالدم وماسك سكينة

واسمع بقي النكت علي الدكاترة البيطري

دنا مرة كنت مروحة من الكلية ومعايا البالطو الابيض ورحت اركب مواصلة وشكلي دكتورة يعني قعدت جنب ست كبيرة وفضلنا نتكلم ونحكي وبعيدين افتكرت تسالني انا في كلية ايه وهي فكراني في بشري

قلتلها بيطري

الست بعدت عني وكأني جربانة او مريضة بمرض معدي
انا فضلت اضحك والله
__________________


هو لسة في حاجة كمان


في طبعا


ولسة

اللي زاد الطين بلة

اخترعولك حاجة اسمها التقنية البيطرية!!!!!!!!!!!!!

ايه دة ياعم؟

قالك ممكن اي واحد معاه ثانوية ومعاه دبلوم معاه انشلله حتي اعدادية
يدرس ست شهور مواد الطب البيطري بس ايه <<<<<<<بالعربي>>>>>>
وياخد شهادة في الاخر انه تقني بيطري وممارس


قلبي هيقف............


يعني الراجل درس بالعربي يعني فهم كل حاجة
واحنا عمالين ندرس بالعنجليزي ومش فاهمين حاجة واحنا اصلا عرب وهنشتغل في بلاد عربية يعني العربي اهم

وخد كمان شهادة يشتغل بيها

يعني كدة الدكتور البيطري راح بالسلامة

يعني الراجل الفلاح يوم لما الجاموسة بتاعته عاوزة تولد ربنا يقومها بالسلامة مش هيهمه بقي دكتور والا تقني المهم الجاموسة تجيب البيبي وتقوم بالسلامة
<ادعولها>
____________________-

هيييييييييييييييييييييييي ييييييييييييييييه
انا تعبت ياخوننا

احنا المعذبون في الارض

وملناش غير ربنا

_________

اسفة طولت عليكوا

بس اعذروني

دة من همي

_______
اللي عاوز يرد ونفسه يضحك فياريت في سره
عشان الحكاية مش ناقصة
_______

بيطرية