أيها الشعب العبيط
عايز اقولك كلمتين
والكلام سهل وبسيط
ما تحاولش تعوم فى بحر من الأمانى
مهما يحصل مش حتوصل شط تانى
حتى لو حاولت إنك لحظه تحلم
تبقى واهم
إوعى تنسى إنى عارف وانى فاهم
كل شىء بيدور فى عقلك
مش ح اسيب الكرسى أبداً
طول ما فيه فى القلب نبض
حتى لو كان اصطناعى
دا انت ملكى وتحت أمرى....
وملك إبنى وإبن إبنى
واللى فوق الأرض ملكى
واللى طالع منها برضو كمان بتاعى

أيها الشعب العبيط
خللى توبك على قد قدك
ما تحاولش تخطى حدك
خليك حويط
عيش فى حالك وخللى بالك
من عيالك عشان تعيش
لو جعان مش لاقى عيش
خليك قنوع خليك حسيس
مش ح اقولك زىْ ما قالت
ست مارى مرات لويس
كٌلْ جاتوه
لأ ياسيدى كٌلْ سميط
أيها الشعب العبيط

منقول عشان نعرف مين هو الشعب العبيط ؟؟؟ :]