استاذ بالقصر العينى وابنه ليله الامتحان

بسم الله الرحمن الرحيم

الابن :بابا..كلمت اونكل كعبوره الى هيمتحنى

الاب:ايوه

الابن:قوله انى مش مزاكر حاجه خالص

الاب:حاضر

الابن:وقوله انى معرفش حاجه فى العملى

الاب:قولتله وقال مش هيدخلك على عيانين خالص

الابن:وقوله انى مش هقدر اصحى بدرى لانى هسهر يا ريت مايندهنيش فى الاول زى ما بيعملو معايا كل مره

الاب:حاضر هقوله يندهك فى الاخر

الابن:لامش عاوز اتاخر علشان خارج بعد الامتحان مع صحباتى

الاب:مش كفايه انك هتمتحن فى يوم غير يومك

الابن:وانا زنبى ايه حد قال انكو تعملو الامتحان فى وقت رحله شرم

الاب:طب نعملك ايه عاوز تمتحن امتى؟

الابن:قوله يستنى منى رنه عالموبيل ..لما ارن يندهلى

الاب:حاضر يا مغلبنى

الابن:انا؟ مش كفايه ضيعتونى فى النظرى وماجبتوش كل الاسئله

الاب:جايبلك 9 اسئله من 10 ومش عجبك

الابن:جايبهالى قبل الامتحان باسبوعين بس وكنت ساعتها فى رحله وكمان الاسئله طويله ملحقتش اكتبها

الاب: ماحنا مصعبينها عشان باقى الطلاب مايحلوش وبعدين منا جيتلك اللجنه ومديت الوقت لما غمزتلى ولمينا الورق من باقى اللجان

الابن:طب ما فيه عيال عفاريت بيكتبوابسرعه ومذكرين كل حاجه

الاب:ماحنا عشان كدا جايبين اسئله فى حاجات ملغيه وكمان هيروحو فين فى الشفوى والاكس راى والاى سى جى ...دا يومهم بنعمل امتحان صعب جدا عكس يومكو الى مابنصححش فيه

الابن:امال كنتو عاوزين تصححو كمان...دانا معرفش فيهم حاجه ..وبعدين مدام الشفوى والعملى حسمو الموضوع تقرفونى بمزاكره كام سؤال نظرى وتقعدونى فى البيت اسبوع قبل الامتحان ليه ؟

الاب: ضمان ...وكمان لان بعض الدكاتره طيبين بيدو الطلبه الشطار درجات كويسه فى الشفوى

الابن:بابا..متقوله يديك الاسئله الى هيسألهالى عشان اعرفها لحسن كل مره مجاوبش ولا سؤال وشكلى بيبقى وحش

الاب: انا قولتله مايسألكش خالص

الابن:ينفع انى مروحش الامتحان خالص بدل تعب الاعصاب الى ببقى فيه

الاب :لا يا روح امك .......لازم تروح

يللا يا رب تعجبكو اى خدعه
سلاموز