بســـــــم الله الرحمن الرحيم
الحمد لله رب العالمين ... و الصلاة والسلام على اشرف المرسلين ..سيدنا محمد وهلى آله وصحبه اجمعين اما بعد
الموضوع دا اكيد كتير منكم قرأ عنه فىمواقع كثيرة او سمع عنه فى برامج اكتر ... بمعنى اصح عندكم خلفية عنه . الموضوع (علشان نبقى واضحين من الاول )مفتوح ... يعنى ممكن هاتلاقوا فيه كلام بعيد عن الديون , لكن الشكل العام هايكون عنها .....


كلنا عارفين ان اسباب ديون مصر ترجع لعام 1864 فى عهد الخديوى اسماعيل (الله يجحمه ) ... كان ايامها يستدين من طوب الارض كل ما يحب يعمل , و الاستدانة بالطبع بتكون بفوائد فى بعض الاحيان تتكتب ما بين 5 %....8% الا انها اصلا تصل الى 15% و 30% فى بعض الاحيان ..... كان ايه اللى هايهمه ساعتها .. ماهى عزبة ابوه .... المهم فى اخر عهده و صلت الديون الى 126مليون جنيه

ديون مصر لم تتضخم بهذا الشكل المريع الا فى العصر الذهبى للقائد الهمام و ال....... الكبير اوى اوى "السيد الرئيس : محمد حسنى مبارك " .
بالفعل هو مبارك من ساعة ما لزق فى الحكم ... ربنا باركلنا فى كل حاجة .... حتى الديون ربنا باركلنا فيها حتى اصبحت 614 مليااااار جنيه .ايه الحلاوة دى ... حاجة ماتحصلش غير من (..... )كبير عارف هو بيعمل ايه ... و جاى ليه .... .

ديون مصر ممكن كانت تتسدد لو انها لم تتضخم بالشكل دا لكن نقول ايه لاولاد الحلال اللى ربنا مبتلينا بيهم فى كل حته .... سرقة و نصب و بلطجة .

وبمناسبة السرقة احب استفسر عن بعض الاشياء الهامة اللى ...يمكن ... كانت تسد

يا ترى ايرادات قناة السويس اللى بتوصل لاربعة و خمسة مليار جنيه بتروح فين ؟؟
يا ترى الايرادات اللى بتيجى من السياحة بتروح فين ؟؟
مع العلم ان عدد السياح الذين زاروا مصر بنهاية عام 2006 يصل الى 10 مليون او اقل بقليل
يا ترى ليه بطلنا نزرع القطن و قللنا من زراعة القمح ؟؟ بالرغم من الاحتياج الشديد لهما كمصدر جيد للدخل القومى من الاول و مصدر هام جدا للغذاء و الدخل ايضا للثانى
يا ترى ليه بيتم بيع المال العام ..... ؟؟

يا ترى شركات الحديد و الصلب و شركات الاسمنت بتصدر لمين بالتحديد ؟ و فين دورها بالنسبة للدخل ؟

يا ترى ايرادات البترول و الغاز الطبيعيى بتروح فين؟؟ مع العلم بان مصر تنتج حوالى 640 برميل نفط يوميا و 5.6 مليار قدم مكعب يوميا حسب احصائية 2006

نيجى بجى نجاوب
بالنسبة لقناة السويس انا مش عارف بالتحديد اموالها بتروح فين يا ترى فى المكان الواضح الصحيح ... ولا فى المكان (السرى )اللى كلنا عارفينه ... مش مشكلة ... عدوا معايا بس (اربعة مليار)

بالنسبة للسياحة .... زى ما قلنا ان عندنا عشرة مليون (سايح) قصدى سائح سنويا طبعا كلهم لازم بيدخلوا البلد بالفيزا و فيزة مصر ب 20 دولار بس يعنى لو الدولار هانقول بستة جنيه يبقى 180 جنيه نضربهم فى 10 مليون ..يجيبولنا مليار و 800 مليون ..... بيروحوا فين دول ... خليكوا معايا برضه ... و اوعى حد يتوه (مليار و 800 مليون )

بالنسبة للقطن و القمح .. القطن فى عهد محمد على كانت ايراداته بتصل الى 6 مليون جنيه ... الكلام دا ايام محمد على باشا 1860 دلوقتى ما كملش 1/2مليون جنيه .... ايه العز دا ... علشان كدا كل سنة بنستورد القطن قصير و متوسط التيلة بعد ما كنا احنا من الدول الرائدة فى تصدير اجود انواع القطن .. طويل التيلة .... اما بالنسبة للقمح فاحنا و بلا فخر من اهم الدول .... رايحين فين ... ما تفهمونيش غلط... احنا من اهم الدول فى العالم فى استيراد القمح ... خاصة القمح المسرطن ... اما بقى شويى القمح اللى بنزرعهم فدول بقى بنبدلهم بشوية مسدسات على مدافع و ان زاد اوى دبابة او طيارة هدية .... مع امريكا حبيبتنا .... و القمح اللى بنستورده بنوزعة على شويى اللمامة اللى فى العزبة ياكلوه ........ هما عارفين حاجة
بمعنى اصح ... احنا بنزرعو بندفع فلوس ..... البعض بيقول ان القمح و القطن مصدران من مصادر الدخل القومى /scenic /scenicلكن للاسف كلام عارى تماما من الصحة

نيجى بقى لحتة المال العام دى اللى مغلبانة و مبوظة الدنيا .... [ الحكومة تقول ( المصنع دا بايظ ... المكن عطلان و العمال ما بتشتغلش كويس و بيخسر و و و....) بمعنى اصح فيه العبر ... المصنع دا لازم ينباع .... بكام يا سيدى ... هو اصلا 10 مليون ... بس علشانك هاخليهولك باربعة و نص .... ماشى ... ماشى... حلال عليك] هو دا الللى بيحصل ... المصنع واخدينه على سبيل المثال ...بالفعل بيكون بيخسر علشان اصلا اللى ماسكه فلوسه بيطيرها .... العمال ما بتشتغلش كويس علشان ما بتاخدش اجور عدلة .... المكن بايظ علشان بيشتغل اكتر من طاقته ..... و بكدا بيطير المال العام راخر

نطل على شركات الحديد و الصلب و الاسمنت نلاقى نصيبة سودة .... ايه يا عم اللى حصل ....دول بيصدروا لاسرائيل .... و الحكاية دى انكشفت ايام الجدار العازل بتاع اسرائيل ..... تقدروا تقولوا ان 80% او 90% من الجدار دا معمول بحديد و اسمنت مصرى .... الله اكبر .... هى دى الاخوة ولا بلاش ....يا جماعة ماحنا عاملين معاهدة مع بعض ....مافيهاش حاجة يعنى لما نساعدهم .... لكن فيها و نص لما نيجى نساعد اخواننا فى فلسطين اللى باخدوا على دماغهم قدامنا و احنا ولا هنا....... نبقى عملنا جريمة لو قمنا بمظاهرة او حب واحد منا يتطوع كمجاهد ...... دا يلاقى الف كف على قفاه و 100الف شلوت على ظهره لحد ما يحرم يعمل كدا او يقول كدا..... .... يبقى دا كل دولة قائدها عاوز يتقدم بيها .... .... يمكن!!!

بعلش بعدنا عن الموضوع لكن لو ركزتوا هاتلاقوا ان هو نفسه .... ما علينا

نخش بقى على البهاريز .... البترول و الغازالطبيعى .... قلنا فوق ان عندنا 640 برميل يوميا على حسب احصائية 2006 لكن لو رجعنا لسنة 1995 هنلاقيهم 920 .... دا لازم يحصل طبعا علشان البترول بيقل مش بيزيد بس هانحتاجها بعد شوية .... المهم زى ما بنشوف كل يوم اسعار البترول طالعة نازلة لكن هناخد متوسط 60 دولار و ماحدش يقولى لأ علشان هاقولهليه بس مش دلوقتى ..... لو قلنا 60 فى 640 هايدينا 38400 فى اليوووووم ...فى السنة بقى يجولهم 14 مليون و شوية ...... اما الغاز الطبيعى اللى باسم الله ماشاء الله ما ظنش ان عندنا حاجة اكتر منه (حصوة فى عين اللى ما يصلى على النبى) 5.6 مليار قدم مكعب منه 60% استهلاك محلى .... يعنى الباقى بيتصدر .... يجولهم2.24 مليار قدم مكعب ... بحساب الالف قدم مربع على انه ب 7 دولار بس يبقى كله على بعضه 15مليون ونص ...(يوميا) يعنى فى السنة 5مليار و نص تقريبا (660مليون بالظبط)..... لما نيجى نجمع غاز طبيعى و بترول سوا هنلاقيهم يوصلوا ستة مليار جنيه بحساب اللى انا سيبته فى الاول ... يعنى (ستة مليار)

نجمع بقى اللى حسبناه 4 مليار + مليار و 800 مليون + 6 مليار نلاقيهم حوالى 10مليار و .... قول 11 مليار سنويا دا من بعض مصادر الدخل القومى دا غير الضرايب و المواصلات و الفلوس اللى بتتاخد من الناس لسبب و من غير سبب .... لما نيجى نعد من 17 سنة فاتو و كمان 3 عليهم (20 سنة يعنى 1990ـــــــــــــــ2010) و نحسب الفلوس اللى جت للبلد فى الفترة دى هنلاقيها 220 مليار دولار .. دا المتوسط زى ما قلت فوق ... الاسعار طالعة و نازلة .... لو كنا حطينا الفلوس دى فى اماكنها و سددنا جزء من الديون ما كانش الحال يبقى بالشكل دا ..... انا متاكد ان على الاقل 1/2 الاموال دى ضاعت فى الهوا ... راحت على سويسرا تتفسح ..... بس يا ريت ييجى واحد يقولها كفاية كدا تعالى لوطنك علشان محتاجلك .... دا غير المليارات اللى بتتسرق كل يوم و التانى .............

انا متهيالى ان السيد الرئيس و اخوانه واخدين بمبدأ البحر بيحب الزيادة ..... و للاسف ديوننا كمان خدت بالمبدأ دا

انا متاسف جدا علشان طولت عليكم ... و يا ريت الموضوع يلاقى قبول من ناحيتكم و ارجو عدم التطرق للحكاية الاسلوب ...خلينا فى صلب الموضوع .... عاوز حوار جامد و اظهار لبعض مصادر الدخل القومى التى لم استطع سردها ... و قولولى رأيكم