سلامووووووووووووووووووووو ووووو عليكم نجعاويه


انا قولت باه انزل الحلقه التالته لاني لقيت عندي خاطرة تانيه لواحد صاحبي اسمه بهاء


اسمها نسكافيه وكابتشينو والباقي عارفينه


جميله اوي


وفي خاطره بكتبها انا واصحابي اسمها يوميات شباب محروم وان شاء الله تبقي حلوة


فقررت اقلل الزمن بين الحلقات علشان الحق انزلكم كل حاجه


واسيبكم مع الحلقه التالته من يوميات احمد علي



الحلقه الثالثه



وبما ان انا غشيم
فى طرق البحث عن شريكة العمر
فقد ظبطتنى امى متلبسا اشاهد احد القنوات الدينية
والتى تجد فيها ذلك الشريط المتحرك


إقتباس:
اريد عانس ميسورة الحال.. تصرف عليا وعلى الاولاد ..وتقبل تكون زوجة رابعة

او ذلك الاعلان

إقتباس:
مطلقة وجميلة وميسورة الحال ترغب فى الزواج من دكتور او طبيب او جراح


واهرش دماغى ...
هو دلوقتى بيتجوزا كده فى مصر..( اعلانات )
وعشان الوجهة الشرعية
يكون عبر قنوات دينية

وتزمجر امى
وتهتف صارخة

- مالكشى دعوة بالاعلانات دى
انا عاملالك مفاجأة

-واحدة صحبتى جابتلى تليفون
واحدة خاطبة انما اي
ه بتخطب بس لولاد الذوات

وتلتفت امى يمينا ويسارا
لتتأكد انه لايوجد احد بالمنزل سوانا

-وكلام فى سرك
هى اللى جابت خديجة لجمال

اصرخ انا...

- يانهار ازرق
جايبالى الخاطبة اللى خطبت لجمال عبد الناصر؟

ترد امى...
- انت عبيط ياوله ...
باقولك خديجة على جمال مبارك

-اه قولى كده ...
جمال مبارك



-جمال مبارك مين؟

وتضع امى يده على خدها ...
وتمصمص بشفايفها...
وتتلاعب بفمها
متنهدة ...
ومتحسرة ...
وشاكرة فى نفس الوقت
ان الله رزقها ذلك الابن الخيبة

وتقلب كفها تعجبا .. واستنكارا ..
كيف سأتزوج وانا على هذه الحالة من الغباء..
ومسكينة تلك الفتاة التى ستتزوجنى

ثم تمدح نفسها حين واتتها تلك الفكرة...
فكرة الخاطبة

واغوص انا فى تفكيرى ....
ترى احقا لازالت هناك خاطبة فى سنة 2007...

اتراها لا زالت ترتدى الملاية اللف...
وتحمل فى جعبتها
مجموعة من صور الفتيات الائى يرغبن فى الزواج

واغمض عينى منتظرا غدا ..
حين ستجئ الخاطبة الى منزلنا وفى يدها حبة عرايس .....قصدى صورهم .

.يلا انتو كمان غمضوا عنيكوا

واحلموا معايا
ايه اللى حايحصل بكرة ؟



و
وو
ووو
وووو
ووووو
وووو
ووو
وو
و
يتبع