مدرس انجليزى بيسأل تميذ بيقوله لو عايز تقول لواحد تعالى هنا تقوله ايه؟ قاله : اقوله come here قاله : ولو عايز تقوله ارجع هناك تانى ؟ قاله : الف من الناحية التانية واقوله come here.

"شحات بيكلم بنت تخينه قوى ، وبيقول لها : أرجوكى انا بقالى يومين ماكلتش لقمة عيش واحدة ...ردت البنت: أنا بحسدك على إرادتك ، مين الدكتور اللى بتعمل عنده الرجيم الهائل ده ؟ :]

مرة واحد غبى واقف في الشارع و بيتكلم في المحمول و عمال يزعق و يقول: بس دوري تاني ، دوري كويس. ام واحد معدي في الشارع جه قال له: في إيه ؟؟؟؟ راح واخد المحمول منه وبيسمع ... لقى .... (الرقم الذي طلبته غير موجود في الخدمة)!!!!

واحد مصطول ركب العربية بالليل و لقى الدركسيون و الفرامل مسروقين ... فراح القسم وعمل محضر سرقة ... تانى يوم الصبح راح لاغى المحضر ليه؟؟؟؟؟؟؟؟ إكتشف انه كان راكب ورا

طفل من الهنود الحمر سأل أبوه
بابا أحنا ليه كل أسامينا طويلة ومعقدة ومركبة من كلمات كتيرة كده ؟
الأب: يا حبيبي دي عادة عندنا من قديم الازل لما يتولد لينا طفل نسمي أسمه على أول
مشهد تقع عنينا عليه
مثلا اختك الكبيرة لما اتولدت دخلت الخيمة لقيتها مولودة زي القمر طلعت من
الخيمة شفت مشهد الشمس المشرقة المطلة بين السحب الكثيفة فقررنا نسميها
"الشمس المشرقة المطلة بين السحب الكثيفة"
أخوك الوسطاني لما أتولد دخلت عليه الخيمة شفته مولود زي القمر طلعت من الخيمة
لقيت مشهد الامطار الغزيرة وسط البرق اللامع فقررنا نسميه
"الامطار الغزيرة وسط البرق اللامع "
دي عادة قبائلنا طوال الازل
ثم أنت ايه اللي مزعلك يا " كلبين بيناموا جنب الخيمة"؟؟

حمار ينهق وهو مغمض عينه ليه؟؟حافظها غيابي

وحدة اتهمت غبي إنه بيعاكسها بالمسجات سألوه قال: أبدا ده مش خطي

كسلان داخل الامتحان, وقع منه القلم، سلم الورقه

محشش اتصل على الخطوط قال كم تستغرق رحلة جدة _ لندن ؟ قاله لحظه ! قال شكرا


صعيدي عنده لدغة في حرف الشين فمثلا لما يقول شارع يقول ششششششششششششارع فيوم راح يشتري شاورما فقعد من أول الطريق يقول شششششششششششششش لحد ما وصل المحل قال للرجل ششاورما قام قال الرجال نعم عاوز ايه قاله ربنا ياخدك أديني واحد همبرجر