السلام عليكم ورحمة الله و بركاته ..............

لما لاقيت كل واحد فى الدنيا عامله مسابقة ............ افتح التليفزيون الاقى مسابقة ............ الراديو ,مسابقة .............. فى النجع ,مسابقة ........ حتى عندنا فى البيت ,كل يوم مسابقااااااااااااات ........... علشان كدا قررت اعمل لنفسى مسابقة ..

المسابقة عبارة عن حبة اسئلة .....سهلااااااااااااااااااا ااااا و بسيطة ....... زى ما بيقولوا الشىء لما بيزيد عن حده بينقلب لضده ........ ابقوا قابلونى لو حد جاوب سؤال واحد ............ و الله اديله اللى هو عاوزه

السؤال الاول
اعكش فار (امسكه يعنى ) و اقطع ديله , وعد عدد خلايا الدم الحمراء اللى هاتسقط ........... مع مقارنة الحل العملى بالنظرى ..... و اذكر النظرى كمان علشان الحبايب .

السؤال الثانى
سيبك من الفران و خش على الفراخ ..... اعكش فرخة (قولنا معناها فوق ) و عد كام ريشة موجودة فيها ..... مع مقارنة عدد ريش الفرخة بعدد ريش الكتكوت الاخير (اللى فقس فى الاخر) و اذكر عدد البيض اللى باضته من ساعة ما بدأت تبيض .

السؤال الثالث
نبعد عن الحيوانات الاليفة و نخش فى التقيل ...... اطلع على حديقة الحيوان و اقطع تذكرتين لشخصين (بس لازم تروح لوحدك) و روح ناحية قفص الاسد .... اذكر كم خطوة خطاها الاسد من ساعة مانتا وقفت لحد ما تيجى الحديقة تقفل ...... مع مقارنة عدد الخطوات بعدد نظراته لكل اللى حواليه ..... و اذكر عدد النظرات يا سيدى (مش حارمكوا من حاجة اهه )

باين كدا معلوماتكم عن الحيوانات تحت الصفر علشان كدا هانقلب دلوقتى ....

السؤال الرابع
طبعا الكل عارف ايه هى العربية .......... و عارف كمان انها بتمشى ..... خلاص يبقى انتوا كدا قصرتوا السكة
اذكر عدد قطع الحديد التى تتركب منها العربية ....... و اذكر عدد عجلات الترلةام اربع مقطورات ...... مع مقارنة عدد العجلات مع عدد لفات كل عجلة فى الثانية لما تكون الترلة ماشية بسرعة 360 كيلو متر فى الساعة (هو السؤال كدا ..... ماليش داعوة )

السؤال الخاااااااااااااااااااااا اامس و الاخير (سؤال الرحمة )
علشان متأكد انكوا ما ذاكرتوش كويس ....... هو دا السؤال اللى هايرجع الدم فى عروقكم
السؤال بيقول اذكر عدد احرف اسم المنتدى بتاعنا داهوه






مع مراعاة عدد الاحرف فى كل الرسائل التى تم كتابتها منذ افتتاح النجع حتى هذه اللحظة


اظن مافيش اسهل من كدا .......................

حاجات بسيطة اخيرة ...... اللى هايحل سؤال واحد صح يعتبر نفسه جاب الدرجة النهائية
زمن الاجابة 17 دقيقة و عشر ثوانى
اللى هايحل جزء من السؤال و ما حلش الجزء الباقى يبقى السؤال كله غـ لـ ط
اللى عاوز يبعت اى رسالة شكر او تشجيع يا ريت يكتبها تحت بعد الاسئلة
اللى هايغش يعتبر نفسه مــ قـــ تـــ و ل علشان مش هارحمه

ملحوضة: الامتحان دا هو امتحان ثانوية عامة لسنة 3425 ق.م لمدرسة خوفو الثانوية المشتركة .. ادارة احمس التعليمية
جمهورية مصر الفرعونية