أنت فاشل




عمرك مبتنجح فى حاجة




أنت دايماً فاشل




عمرك ما عملت حاجة صح فى حياتك




كلمات كتير زى كده بتتقالنا





والأخطر من كده




لما أحنا نقول لنفسنا




أنا فاشل




أنا مش نافع




أنا عمرى ما عملت حاجة صح





ديه المصيبة الأكبر




طيب نجيب الموضوع من أوله




فاشل




كلمة طلعنا شفناها وأتوصفنا بيها




ووصفنا نفسنا بيها




لكن الموضوع طلع غير كده خالص




أولاً الفشل ده نتيجة مش سلوك




يعنى أيه ؟




يعنى أنت سلوكك أنك عملت حاجة بطريقة معينة




ونتيجة السلوك ده أنك موفقتش فى النتيجة




طيب يبقى نقول كده أنك فاشل ؟




طيب أحنا لو غيرنا الطريقة اللى عملنا بيها السلوك ده




النتيجة هتكون أيه ؟




طبعاً هتكون غير كده




يبقى أنت حكمت على نفسك بالفشل ليه؟




المفروض أننا نشوف الفشل ده سببه أيه ونغيره ونقلبه لنجاح




طيب نيجى بقى ونشوف أثر الكلمات ديه على سلوكك




لما مدرس يجى يقول لطالب عنده أنت فاشل




الطالب هتبقى عنده قناعه أنه فاشل




هيجى يعمل أى حاجة مخه هيقوله أنت مش هتكملها لأنك فاشل




فالطبيعى أنه مش هيقدر يقوم بالعمل ويفشل كل مرة




طيب لما أنت بقى تقول لنفسك أنك فاشل




أنت أديت رسالة لعقلك الباطن أنك فاشل




ومن قوانين العقل الباطن أنه يدعمك فى أى حاجة تقولها




فهيصدقك ويخليك دايماً متنجحش فى حاجة بحجة أنك فاشل




عايزين نفتكر دائماً




مفيش حد فينا أتولد فاشل




ياريت كل واحد يخلى باله هو بيقول أيه لنفسه وألأخرين




والرسايل اللى بيديها لمخه بتقول أيه ؟