كلنا عارفين ان ليلة رأس السنة النهاردة



و عارفين كمان ازاي الدنيا كلها بتبقي بعيده قوي عن ربنا يوميها بالذات الساعة اتناشر


و يا ريت اصلاً دي حاجة ليها علاقة بينا

يعني حتى المسلمين بيبقو جوا الحدث قوى و متحمسين جدا ليه ولا كأنهم هيحرروا فلسطي ن



طيب دلوقتي



عاوزاكم تتخيلوا معايا حاجة من حديث انتو عارفينوا كويس قوى




عن معقل بن يسار رضى الله عنه قال: قال رسول الله صلى الله عليه و سلم العبادة في الهرج كهجرة الىّ . رواه مسلم




طيب عارفين الحديث ده كويس قوى




ايه رأيكم



ليلة رأس السنة إن شاء الله



الساعة اتناشر بالظبط



وسط ما الناس كلها بتحتفل و ماشية في خطوات سريعة بتبعد عن ربنا اكتر



نكون احنا بناخد خطوات سريعة بنقرب لربنا اكتر



هما تقريبا والله اعلم بيبتدوا يجهزوا و يظبطوا كل حاجة من قبل اتناشر بشوية



عشان تيجي الساعة اتناشر منتصف الليل و يكونوا هما في قمة الحماس



طيب ما نعمل كده .. نتحمس بس حماسنا هيكون مختلف عن حماسهم



ابتدي من الساعة 12 إلا ربع مثلاًُ إن شاء الله



قوم صلى قيام ليل

و اذكر الله

و اقرأ قرآن

اعمل اي حاجة


المهم ابتدي من بدري



عشان تيجي الساعة اتناشر و هما بعاد قوىىى عن ربنا

تكون انتا قربت قوىى و ركزت قوى ووصلت لاعلي درجة من درجات الخشوع و التذلل بين يدي الله




تخيل فرحة ربنا بيك و ناس كتير في الارض بتعصيه

و انتا واقف خاشع ذليل تطلب منه الرحمة و المغفرة




و احتسب اجر الهجرة الى رسول الله عليه الصلاة و السلام


لأن الحديث باين و واضح و الرسول عليه الصلاة و السلم صادق و آمين و ما ينطق عن الهوى




بس كدة الموضوع

منقول من عمرو خالد