انا حاسس انى بقيت ممل اوى اوى على المنتدى الجميل دوت
بس أعذورنى بجد انا مكنتش بدخل نت كتير كده دلوقتى طول ما انا فى المكتب فاتح النت ع سايت النجعاوية
ودى تعتبر اول مرة اشارك بالطريقة دى فى منتديات

ياريت تعذرونى بءه
المهم انا النهارده جاتلى فكرة جامدة اوى اوى ويارب تعجبكم
الفكرة هى عبارة عن تقليد لكبار الشعراء زى جرير والفرزدق او احمد شوقى وحافظ ابراهيم
والفكرة دى عبارة عن ايه بئا ... اقولكم انا عبارة عن ايه

اى واحد عنده القدرة على التأليف السريع للشعر والرد على نفس الوزن والقافية
فمثلا
حافظ ابراهيم كان بيهجو امير الشعراء شوقى فقاله

يقولون أن الشواق نار ولوعة
ما بال شوقى اليوم أصبح بارد
/scenic /scenic
رد عليه امير الشعراء وقاله

وحملنا الكلب والانسان أمانة
فضيعها الانسان والكلب حافظ

ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــ
مثال تانى
مر جريرا على احد الرجال وكان قد ربط دابته وجلس يستريح فى البادية ومعه بعض الزاد من الطعام
فجلس جرير واكل معه دون ان يستأذن حتى انهى على كل الطعام
فقال له الرجل وهو لا يعرف ان هذا جرير

أن كزرعة فى وابل هش
اتاها الماء من غير رش

فرد جرير وقال له

وانت كبعرة فى ذيل كبش
مدلاة وبك الكبش يمش

فقال الرجل من انت يرحمك الله ... فقال انا جرير .. فقال والله لو علمت انك هو لتركت لك الطعام والدابة وانصرفت

.............................
المهم يا اجمل شباب باحلى منتدى النجعاوية
انا عايز حد يدخل ويكتب عن نفسه ولو فى سطر واحد ويهجونى وانا ارد عليه وكلنا نعمل كده بس هجاء الكبار زى احمد شوقى وجرير وحافظ ابراهيم
وياريت اعرف رأيكم فى المسابقة البايخة دى
.................................................. .............
وانا حبدا اعرفكم بنفسى عشان اللى يحب يهجونى
انا امير 25 سنة .. مهندس ميكانيكا بحرى ... وصاحب شركة مارين تراك للأعمال البحرية وصيانة السفن .. من الاقصر كفاية كده
وياريت مكونش مصدر ازعاج للمنتدى ياااااااااااااااااااااااا ارب

اخوكم ... م . أمير الاقصرى ... صعيدى ابا عن جد