بسم الله الرحمن الرحيم




هما فيه طريقتين لسرقة الايميل وهما كالتاتى ( الخطه كالتاتى )


الطريقه الاولى : تجيب اللي امه داعيه عليه وانت عاوز تسرق ايميله وتعزمه عندك على شاى


ولو مفيش شاى تمشى حلبه حصى او سحلب او كابتشينو .. ماعلينا . المهم اى مشروب


طبعا هتخليه يقعد على الجهاز بتاعك وهو زى العبيط هيفتح ايميله .. ههههه . مسكين والله


دورك انت بقى انك تقف وراه وهو بيكتب الايميل . بس من غير ميحس . وتشوف الباسورد بتاعه كم يامعلم


...


الطريقه التانيه وهى من وضع خيالى وتفكيرى المجرم اللي هيوديني فى داهيه هى :


تروح تأجر 4 بلطجيه وتروح على اللى امه بتكرهه اول حاجه تعملها : تخبط على الباب بهدوء


علشان ميحسش ان فى غدر جاى عليه ثانيا : بعد لما يفتح الباب تهجم عليه انت والبلطجيه


وتخلى البلطجيه يكتفوه كويس .. وانت تكون عامل حسابك فى بونيه حديد


تخبطه بيها يامعلم على دماغه .. لازم دماغه تجيب دم .. ده شرط اساسى فى الخطه


وبعد متخبطه .. تسأله وبكل أدب واحترام وذوق ( الباسورد بتاعك كم ياشخروم ؟ )


هيسكت ! ومش هيرد .. تعمل ايه انت يامعلم .. تروح تجيب اخوه الصغير وتعذبه عذاب اليم


يعنى مثلا تجيب حتة شيكولاته وتوريها لاخوه وبعدين تخبيها تانى .. طبعا اخوه عيل مفجوع


هيفضل يعيط ويصرخ .. واء وااااااااااااء وااء . الواد هتكون دماغه مصدعه من البونيه اللي كلها


وبالتالى هيعترفلك بكل اللي انت عاوزه وتاخد الباسورد .


مع العلم ان الطريقه التانيه مكلفه عكس الطريقه الاولى .. يعنى فى الاولى هتخسر تمن الشاى وبس


أما فى التانيه هتجيب بلطجيه بالشئ الفلانى وهتجيب شيكولاته سنكرس من الغاليه


اصل الواد الصغير بشوف اعلانتها على الدش وعقله هيطير عاوز ياكلها .. يعنى علشان تملى عينه


علشان المفجوع ده مش هيتأثر لو جبتله شيكولاته من ربع جنيه