المقادير و الطريقه على بعضهم ( محشى بقى )

واحده حبة كرنب او ملفوف كما يسميه البعض

قطع الرأس ثم تفكك اوراقها بحرص شديد

تسلق الاوراق فى ماء مغلى مضاف له كمون

تطبق كل ورقه نصفين و نقطع الجزء الجامد اللى فى منتصف الورقه ( بنسميه العروق ) ثم تبرم الورقه و تقطع صغيرا او كبيرا على حسب الرغبه انا بفضلها لا تزيد طولها عن خمسه سم

ثم تفردى كل جزء مبروم و تبدأى تقطعيه قطع فى حجم ثلث كف يدك او يزيد قليلا
و هكذا حتى تنهى اللاوراق كلها
و اثناء التقطيع ترتبى الورق الاخضر فوق بعضه
و الورق المتين فوق بعضه و الورق الضعيف فوق بعضه

نيجى بقى للخلطه و هاسيب مقاديرها لكى على حسب حجم الكرنبه ( يعنى بالنظر كده ) :

ارز مصرى مغسول و مصفى جيدا
على النار ضعى بصل يتحمر فى شوية سمن و زيت حتى يذبل فقط

ثم يضاف له عصير طماطم ثقيل ( و ممكن تقطعيها قطع صغيره )

تترك لتتسبك نصف تسبيك

ترفعى من على النار

ثم يضاف خضرة مغسوله و مقطعه صغير جدا عبارة عن بقدونس و كسبرة خضراء و شبت و تقلبى جيدا

ثم تضيفى الملح و البهارات الخاصه بعمل المحشى او بدلا منها تحطى كمون + فلفل اسود + شطه على حسب الرغبه

ثم تضيفى الارز و تقلبى جيدا

ممكن تضيف كميه من اللحم المفروم و المعصج مسبقا او ممكن تستغنى عنه على حسب الرغبه

و تقلبى كل الخليط السابق جيدا و تضبطى ملحه

ثم تأتى خطوطة الحشو نفر الورقه فى صحن او على كف يدك و تضعى كميه صغيرة و مناسبة من الخلطه فوق سطح الورقه و تلفى ( يعنى تبرمى ) الورقه جيدا

و ترصى فى حله مبطنه بورق فويل او ممكن تستفيدى بالعروق التى سبق ازالتها من الورقه و تضعى منها فى قاع الحله ثم ترصى المحشى فوقها طبقات
ملحوظة : تبدأى بحشو الورق الاخضر الاول و يكون اسفل ثم الورق المتين ثم الورق الضعيف يكون فوق الوجهه
بعد ان تنتهى من الكميه صبى كمية من مرق اللحم او الدجاج المتوفر لديك بيحيث يغطى سطح الحله

و الكميه متوقفه على حالة ورق الكرنب نفسه لو كان قوى بعد السلق ارفعى مقدار الشوربه فوق سطح الكرنب ب 3 سم اما ازا كان الورق انهرى ( يعنى اصبح متهالك _ اى مهترىء ) فى السلق فقللى كمية الشوربه حتى لا تزيدى من تهالكه فى السوا و يبقى عجينه

و ضعيه على النار حتى يغلى اخفضى النار زى ما بتسوى الارز

حتى يتشرب كمية الشوربه يعنى مدة ساعه تقريبا

ثم اختبريه بأن تأخذى واحده او اكثر فى طبق حتى تبرد ثم تذوقيه لو استوا يبقى خير و بركه اما اذا كان نىء ضيفى كميه بسيطه من الشوربه و اتركيه حتى النضح
بالهنا والشفاااا..
__________________________________________________ _____________
ده بالبلدى كده عشان تعرفيييييييييييييه بسهولة...وطبعا طبعا الكتابة اسهل بكتيييييييييير من العمايل

بنت النجعاوية****سمسمية****