السلام عليكم ورحمه الله وبركاته

مشروع الملابس

كلنا عندنا فى الدولاب هدوم مش بنستخدمها..
هدوم ضاقت علينا..هدوم زهقنا منها..
تى شيرت .. بلوزه ...بنطلون ....جاكت

فى نفس الوقت فى مكان تانى ناس معندهاش غير طقم شتوى وطقم صيفى!

اسرة مكونه من خمس اطفال فى اعمار مختلفه
واب بيعمل ب200 جنية شهريا
تفتكروا هيجيب بيهم هدوم لأولاده
ولا هيوفر اكل وسكن واولويات الحياة؟

اكيد مش هيفكر يجيب لولاده لبس جديد فى حين انهم محتاجين لحاجات اهم!

احنا دورنا ايه ؟
دورنا نفتح دواليبنا ..نفرز الهدوم ..ايه بنستعمله وايه بطلنا نلبسه
نطلع الهدوم الزايده عن حاجتنا
ونجيبها جمعية الروان الخيرية ونفرزها مع بعض ونغسلها ونكويها
للمعرض الخيري
بأسعار رمزية جدا جدا
القطعه بجنية..بنص جنية
منها رحمنا الناس من غلاء الاسعار ووفرناله هدوم كويسه بسعر يقدر عليه
ومنها وفرنا ربح بسيط يدخل فى الجمعية لوجه خير آخر..

ان شاء الله يوم هنتجمع كلنا فى الروان ونفرز الملابس ونكيّسها
استعدادا للمعرض الخيرى..

عايز تشارك؟؟
لو عندك ملابس عايز تتبرع بيها تقدر تجيبها الجمعية ..

طب انا عندى ظروف ..مش هقدر اجى الجمعية..اعمل ايه؟؟
ولو عندك ملابس ولكن ظروك لا تسمح انك توصلها الروان
تواصل معنا
وان شاء الله هنشوف اقرب عضو فى الروان ممكن يقابلك وياخد منك التبرعات ويوصلها الروان

ان شاء الله لآخرالاسبوع ده فتره مخصصه لجمع الملابس
واليوم المحدد ان شاء الله هنتجمع فى الروان لفرز الملابس ..

لكن فى ملحوظه هامه جدا اذكركم بها ونفسى..
السيدة عائشة رضى الله عنها كانت بتعطر الدراهم قبل التصدق بها
لانها تقع فى يد الله قبل يد الفقير

فرجاء رجاء نقتدى بها..ونعامل الفقير كما نحب ان نُعامل
ونستحى من الله ان نعطيه ملابس قديمه لا تصلح للاستعمال ..
جزاكم الله خير

واذكركم ونفسى بالنية






تابعونا..
( روان القاهرة )