يا هلا يا هلا بيكم أعزائى المشاهدين...أهلا وسهلا بيكم فى برنامجنا طبق اليوم...


النهاردة أكلتنا خفيييييفة وبالذات للاطفال اللى سنانهم لسه ضعيفة يعنى بتاع 9 شهور كده....وبرضه الكبار بيحبوها..انا عن نفسى باموووووووووووووووووت فيها..

النهارة هانعمل لسان عصفور..هوا تصنيفه من الشوربات ..

اللسان عصفور ده ماهواش لسان العصافير بجد لأ ده عبارة عن عجيييييييينة زى المكرونة كده ومتشكلة على شكل لسان العصفور صغيرة كده...

ونقول مع بعض المقادير..

كوباية كبيرة لسان عصفور

وعاء متوسط الحجم من شوربة اللحمة او الفراخ..((انا باحب شوربة الفراخ عشان بتكون خفيفة))ونتبل الشوربة دى بالتوابل((ملح وفلفل اسود وحبهان..ومرقة دجاج..ومستكة))

معلقتين سمنة..

نيجى للطريقة بقى ...
أول حاجة هانجيب حلة ونحط فيها السمنة لحد اما تسيح وتقدح...
أكون بقى قسمت اللسان عصفور ل تلت وتلتين واحط التلتين فى السمنة تتحمر ...
وبعد كده أقوم حطة التلت اللى فاضل من غير تحمير عشان يكون لونين...
واقوم حاطة عليهم الشوربة ..ونقلب بقى لحد اما يستوووووى...
ونقدمها بقى مع نقطتين لمووون هاتديها طعععععم تانى خااااااالص...وبالهنا والشفا..


زى ما شفنا كده ووووووجبة سهلة خالص ومع ذلك برضه فيها قيم غذائية ...
وخلى بالك لو ماعندكيش شوربة ممكن تعمليها ازاى؟؟؟؟
انا أقولك..هاتجيبى ماية وتغليها وتحطى فيها بصلة وفلفل اسود ومرقة دجاج وبكده تكون شوربة ممكن تنضاف للسان عصفوووووووووووووور....

ودلوقتى نكون وصلنا لنهاية حلقتنا النهاردة من برنامج طبق اليوم...

كانت معاكم من امام البوتجاز..حبيبتكم..سمسمية