اخونا العزيز كريم شرفنى النهارده فى المطبخ وحب يعمل لكم الأكلات دى اتفضلو بالهنا والشفا


آيس كريم بالكوسة

المقادير ...... 2 حبات كوسة , علبة ايس كريم من عند عم ماجد بتاع الجيلاطى
الطريقة ...... هات الايس كريم و الكوسة و حطهم فى الخلاط و افرمهم .... بعد كدا حطهم فى كباية بلاستك .... و مزمز يا عم


شيبسى بطعم الشطة و الزتون

المقادير ...... بطاطسيتين , زتونتين , ربع ارن شطة سودانى , حبة زيت
الطريقة ....... ولع البوتاجاز و حط عليه الطاسة و حط الزيت فى قلب الطاسة .... بعد كدا اشر البطاطس و قطعها شرايح زى الشيبسى ..... او لو عندك قطاعة تميمة يبقى خير و بركة (دا كله بسرعة لحسن الزيت يولع ) بعد كدا حط البطاطس تتقلى و بعد ما تتقلى طلعها و حطها فى طبق سرفيز جديد من بتوع ماما (بس بدون ما تشوفكم ) و رصوا البطاطس فيها و بعدين على الجنبين حطوا الزتونتين و فى النص ارن الشطة ....... و بالهنا و الشفتشى


و اخيرا بوفتيك بالحلاوة الطحينية
المقادير ....... بوفتيك جاهز ، حلاوة طحينية , عسل اسود
الطريقة ....... انتهزوا فرصة ان ماما عملت بوفتيك فى يوم و هربولكوا كام حتة كدا .... بعدين تجيبوا الحلاوة (جامدة او شعر مش مشكلة ) و تدلقوا عليها العسل و اعملوا فيها اللى ما يعمل لغاية ما تبقى سايلة ...... بعد كدا تجيبوا البوفتيك و تغمسوا الخلطة السرية دى .......... و صوما مقبولا و افطارا ما تكملوهوش