كان يا ما كان ,, فى سالف العصر والاوان ,, يحكى ان رجلا كان شغال عند ناس ( سقا ) وكان كل يوم يروح ويخلص شغله وزوجة صاحب البيت تديله اجرته ( فلوسه ) ويتكل على الله

وفى نفس الوقت كان صاحب البيت دا كان شغال بردو عند ناس تانيين ( اى شغلانة بقى ) _ولتكن سواق _
وبردو بعد ما يخلص الشغل تديله زوجة صاحب البيت اجرته ( فلوسه )ويتكل على الله

وفى يوم من الايام وهى بتديله الفلوس ( للراجل السواق يعنى ) مسك ايدها ..... بعد كدا افتكر ان دا حرام وسبها ومشى على طول فرجع بيته لقى مراته زعلانة اوى سالها مالك تصوروا قالتلو ايييه ........؟

قالتله .. الراجل السقا اللى شغال عندنا وانا بديله الفلوس مسك ايدى .......

فالراجل قال ف نفسه (( دقة بدقة ولو زدت لزاد السقا ))

بغض النظر ان كانت حقيقية او مش حقيقية الا انها قصة لذيذة وحلوة
بس لازم نتعلم منها حاجة انك لو عملت اى حاجة اى حاجة ايا كانت الحاجة دى هتحصل لاهلك وأعز الناس ليك سواء كانت خير او شر

مثلا .... وانت ف الكلية خليك باحترامك اتعامل مع البنات باحترامك واوعى فى يوم تفكر انك ممكن تضحك عليهم بكلامك لان انت اكيد عندك اخوات بنات بردو او قرايب بنات عموما والقلوب واحدة
(( دقة بدقة ولو زدت لزاد السقا ))

مثلا .. كنت فى مواصلات ولقيت ست كبيرة واقفة قوم انت راجل بردو وقعدها وان شاء الله يحصل مع والدتك بردو


انا بقول امثال مش على سبيل الحصل ولكن على سبيل الذكر

والله الكلام دا خرج من قلبى /scenicواتمنى انو يكون وصل لقلوبكم :077:
ونعمل بيه وتسود روح المحبة بيننا
هتسود الصفات اللى مفقتدينا دلؤتى فى متجمعنا زى الشهامة والمروءة

يمكن اكون اتكملت بصيغة المذكر بس الكلام عموووووووووما

معلش بقى لو كنت طولت عليكو استحملونى