ليه سى السيد كان سى السيد مع امينة ومش سى السيد مع الرقاصة (( سورى بس مش فاكرة كان اسمها ايه فى الفيلم )) ؟؟

بجد سؤال يحير اوى

اشمعنى يعنى كان شايف نفسه على امينة مراته ويدخل البيت ولا سبع الليل .. و عايش الدور عليها اوى هى وعيالها

ويروح عند الرقاصة يبقى حاجة اخر مسخرة وما يقدرش يتنى لها كلمة ..

لو فكرنا كده هنلاقى ان السبب فى امينة

ايوووووووة السبب فى امينة علشان بضعفها خلته يتفرعن عليها ..

تعالوا نتخيل كده لو كانت امينة قالت لسى السيد لأ فى مرة

كان هيحصل ايه ؟؟

هيطلقها ؟!! طب ما هو ارحملها من الذل دا

هيضربها ؟!! طب ما هو كان بيضربها لو غلطت اى غلطة اى حد فى الدنيا ممكن يغلطها ..

هيشتمها ؟!! طب ما هو على طول بيشتمها


تعالوا نتخيل بقى لو قالتله لأ على حاجة كمان ..

كان مرة على مرة هيحس ان البنى ادمة دى بتفكر

هيحس انها بتقدر تعترض وترفض


وكان مرة على مرة هيعمل حسابها قبل ما يعمل اى حاجة


فى سبب تانى لأنه خايف من الرقاصة ، لأنه بيعمل عندها حاجة غلط

يعنى رقبته فى ايديها

ياترى حد عنده سبب تانى ؟؟

ياريت اللى يفكر فى سبب يقولى عليه علشان انا متغاظة اوى