اولا نبدأ واحده واحده

هي اللغه الاورديه يا جماعه هي هي اللغه الهنديه بس افرق ان اللغه الاورديه لغه المسلمين من الهنود لانها بتكتب بخط عربي اما اللغه الهنديه دي لغه الهندوس منهم او غير المسلمين وعلي فكره في الهند مش بعترفوا باللغه الاورديه لانها لغه المسلمين وعلي فكره اللغه الهنديه بتكتب بالخط " الديوناجري " او " السنسكرتي "

اولا
*******
نبدأ بالحروف هي هي نفس حروف اللغه العربيه لكن في حروف زياده
زي الجيم المثلثه وده حرف الجيم اللي تحته ثلاث نقط وينطق ch

وحرف الباء المثلثه وده بينطق p

وحرف الراء المثلثه وده حرف الراء بس عليه ثلاث نقط وده ينطق j

وفي بعض الحروف التانيه زي
حرف الراء وبيكون عليه طوي والطوي دي حرف الطاء بس بيكون صغير اوي وده بيوضع علي الحرف من فوق
ومش حرف الراء بس لا
في الراء
والدال
والتاء
وفي كمان حرف اسمه برييا وده اسمه الياء المجهوله
وفي حروف تانيه
زي
دهـ ..... ده كده حرف واحد بس اسمه حرف مركب
جهـ ..... ده بردوا حرف كامل لوحده

ده بالنسبه للحروف هي بتتكون من 36 حرف

ولو تحبوا نبدأ بحاجه نسيطه زي الاعداد ... يبقي نتوكل علي الله

ناخد من واحد لحد عشره

صفر : صفر

واحد : إيك

اثنان : دو (بفتح الدال وسكون على الواو )

ثلاثة : تين

اربعة : تْشار (سكون على التاء)

خمسة : بانتش (نطق الباء مثل نطق حرف الp بالانجليزي، وسكون على النون والتاء ايضا)

ستة : تْشَه (سكون على التاء وفتحة على الشين )

سبعة : سات

ثمانية : آتَ

تسعة : نَوْ

عشرة : دَسْ


شكل الحروف بتاعه اللغه الاورديه


ا ب پ ت ٹ ث ج چ ح خ د ڈ ذ ر ڑ ز ژ س
ش ص ض ط ظ ع غ ف ق ک گ ل م ن و ھ ی ے

ودلوقتي بقي شويه كلمات

آ ..... الالف المدوده وهي تنطق كما في اللغه العربيه



الكلمه الاورديه ..... معناها ..... النطق العربي
آگ ........... نار ........ اج

آم ........... مانجو ...... آآم

آ پ ......... سيادتك ..... اب

آ ٹا ......... دقيق ...... اوطا

( ا ) الالف العاديه

ابال ....... غليان ....... اوبال

اچھا ...... حسن (حاجه كويسه يعني) ...... اتشا

(ب)

باغ ..... حديقه ...... نفس النطق

بازار .... سوق ....... نفس النطق

بازو .... دراع ....... نفس النطق

بچھ ..... طفل .......... باتشا

بجلي .... كهرباء ........ نفس النطق

(پ)

پا نچ ..... خمسه ....... باتشا

پاني .... مياه ....... نفس النطق

پر ..... علي ........ نفس النطق

(ت)

تار .... سلك ........ نفس النطق

تجربه .... خبره ........ نفس النطق

تكـ ..... حتي ........ نفس النطق

تل ... سمسم ........ تيل

(ٹ)

ٹكٹ ..... تذكره ...... تيكت

ٹماٹر.... طماطم ....... طماطر

ٹانگ ..... ساق .......... طانج

( ث)

ثبوت .... دليل ......... نفس النطق

ثقه .... معتبر ......... نفس النطق

(ج )

جابر .... ظالم ......... نفس النطق

جادو ... سحر ........ نفس النطق

جان .... روح .......... نفس النطق

(چ )

چابي ... مفتاح........... تشابي

چاند ... قمر .......... تشاند

چچا .... عم ........... تشا تشا

(ح)

حق ............ حق ........نفس النطق

حتمي ......... قطعي ....... نفس النطق

(خ)

خاكـ ..... تراب .......... نفس النطق

خشكـ ...... يابس ........ نفس النطق

خط ...... خطاب ........ نفس النطق

( ڈ) ..... هذا الحرف ينطق بثني طرف اللسان الي اعلي ثم نطق حرف الدال وهو في وضعه هذا

ڈور ...... بعيد .... نفس النطق بس مع وضع الضمه علي هرف الدال

ڈاكـ خانه ... مكتب بريد ....... نفس النطق

ڈگري ..... شهاده .... نفس النطق هي زي الانجليزي بالظبط

(ذ)

ذرا ......... قليل ...... نفس النطق

ذائقه .... طعم ....... ذايقه

ذات ...... اصل ....... نفس النطق

(ر)

رات ..... ليل ...... نفس النطق

راسته .... طريق ..... نفس النطق

رخصتي .... زفاف ...... نفس النطق

(ڑ )

بڑا .... كبير ...... نفس النطق

دوڑ ....... سباق ....نفس النطق

تڑب ..... اضطراب .....نفس النطق

(ز )

زبان ....... لغه او لسان ...... نفس النطق

زخم ........ جرح ........ نفس النطق

زمين ........ ارض ....... نفس النطق

( ژ )

ژاله ...... قطره الندي ... jala

ژرف ...... عميق ... jarf

( س)

ساده ..... بسيط ....... نفس النطق

سانب ...... ثعبان ..... نفس النطق

سب ..... كل....... نفس النطق

( ش )

شاخ ...... فرع ...... نفس النطق

شام ..... المساء ........ نفس النطق

شير ....... اسد ...... نفس النطق



صرف ........ فقط ....... نفس النطق

صابن ........ صابون .... نفس النطق

صوبه ...... اقليم ....نفس النطق

(ض) ..... و الحرف ده بقي اقرب في النطق لحرف الزاي

ضلع ........ مركز ....... زلع

ضد .... عناد ....... زد

ضرور ...... ضروري ..... زروري




منتديات الفردوس