الموضوع: نكت جديدة بنار الفرن!!!!!!!!!!!!!!!!!!!!!!!!

أحبائي الأعزاء في منتدي نجعاوي الظرفاء
أنقل لكم تحياتي وأتقدم لكم بخالص شركي وأعزازي لكم جميعاً وأقدم مجموعة من النكت الطازة أتمنى أن تحوز أعجابكم

سقفة علشان نبدأ



معلش سقفة عالية شوية أنا مش سامع حاجة


كويس كدة على بركة الله نبدأ ..............................

@مرة واحد بيقولوا له .... مراتك ماشيه مع كهربائي المنطقه .... قال لهم ده ولا كهربائي ولا بيفهم حاجه في الكهربه !!!

@واحد بلدياتنا بيتخانق مع واحد فضربه على وشه فقاله ليه ما قفايا موجود


@مذيعة تليفزيون قابلت شاب فى الشارع سألته سؤال جاوب إجابة صحيحة ، طلبت منه يحب يشوف أيه ، أجاب الشاب بسرعة: أمى الله يرحمها ، ردت المذيعة مستحيل و ترجته انه يطلب طلب آخر ، فكر الشاب ثم قال : أحب أشوف الزمالك وهو بياخد الدورى ... ردت المذيعة بسرعة لأ أجيبلك مامتك أسهل


@مره واحد اشترى لمبه مسمار دقها في الحيط


@يمني راح البحر يسبح قلع ملابسه كلها ماعدا الخنجر ليه ؟؟؟ قال البحر غدار


@طبيب تزوج طبيبه خلفوا عيل زى الحقنه

@مره واحد اتزنق في قرشين فعصوة

@مره واحد بلديتنا لقى خاتم سليمان جه يدعكه فعص العفريت

@مره واحد اتزنق فى ربع جنيه طلع من الخرم


@واحد بلديتنا رجع بيته لقى مراته فى السرير مع أثنين .. صرخ وهاج مراتى بتخونى ... بسرع رد عليه شاب منهم احنا الكاميرا الخفية لو مش عايز تذيع قول ما تذيعشى ... رد بلديتنا لأ ذيع خللى الناس تنبسط
:]

@عشرة صعايدة بيتعلموا ربط الكرافتات تسعة ماتوا وواحد فى حالة حرجة


@واحدبلدياتنا بيقفل التلفزيون قفل على صباعه

@مره واحد بلدياتنا دخل خلاط الأسمنت طلع منه قال والله منش داخل الملاهي تاني


@واحد احول وواحد اهبل فتحوا محل طعمية الاحول بقى يعمل الطعمية و يحطها برة الطاسة ،و الاهبل يقول طشششش

@كمسارى راح يتجوز لقى المهر ناقص كتب الباقى على دهر التذكرة


على الله تعجبكوا وعايزين ردود حلوة علشان نكمل

المشاركة الأصلية اتكتبت عن طريق bhbk ya rab

قديمة وبايخة

:to2to2: :to2to2: :to2to2: :to2to2:

أولا متشكرين على ال بيشجعونا أما الأمامير الزعلانين وبيقولوا قديمة :to2to2: .. تصورا فعلا قديمة ومتزعلوش حنعمل الجديد إحنا ورانا إيه غير راحتكم وفرفشتكم

ودي نكتة على الماشي:
مرة واحد مسطول قاعد يفكر مع نفسه ويقول "جمبرى فى الطبق؟ لا لا ارنب فى الجردل؟ برضه لا مش دى استكوزا فى البانيو؟ يوووة برضه مش دى، انا هتصل اعرف من الدكتور احسن." راح اتصل بيه وساله "يا دكتور انا عندى ايه؟" قال له "انا قولت لك ميت مرة انت عندك سرطان فى الحوض"



طيب ودي كمان علشان الزعلانين بتوع :to2to2: يمكن يرضوا عننا
بلديتنا عايز يعلم ابنه انجليزى راح ابتدائي منفعش، راح ثانوى منفعش، راح الجامعة منفعش، قال لازم اوديه انجلترا واجوزه واحدة انجليزية من هناك عشان يعرف يتكلم انجليزى، راح فى الصباحية بيقول للعروسة "مستر هريدى موجود؟" قلتلوا "نجولو مين؟"

يارب تعجبكم وفي إنتظار أي رد يفتح النفس وبلاش :to2to2: أحسن حبطل أشارك