مناجاه لقلب حنون

محتاج لقلب حنون يواسينى فى أحزانى
ويداوى لى جروحى ويخفــف آلامــى
وجيتلك ياربى جيت بدموعى باناديـــــك
مشتاق لحنانك أنت يا أملى الوحيـــــــــد
فاتت سنين وسنين وهمومى معاها بتزيد
وأنا فى الخطايا عايش من فيــن الطريق
الحزن فاض فى قلبى وأحبابى تركونــى
مش لاقى قلب حنون أشكي له همومى
وجيتلك ياربى جيت بدموعى باناديـــك
مشتاق لحنانك أنت يا أملى الوحيــــد


أيمن الصعيدى
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــ

من انتى؟
حبيبتى
أنتى من أنتى ؟
وكيف لعالمى أتيتى ؟
أحلم أنتى أم يقين ؟
أم قدر ساقته السنين ؟
أم أمل ينبض له القلب الحزين ؟
أم ورده تتفتح أغصانها من حين لحين ؟
أم فراشه ترفرف على الرياحين ؟
أم عصفورة مكسورة الجناحين ؟
أم آله يعزف بها الملحنين ؟
أم طيف يمر ولا نراه بالعين ؟
كفى فقد ملأتى قلبى بالأنين
فهل من الممكن:
أن يكون أمل وأحساس حب دفين ؟
جاوبنيى حقا:
لا أعرف من أنتى وكيف لعالمى أتيتى ؟

ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــ

اتنين صعايده اذكياء جداا
اتنين صعايده موجودين فوق الجبل الدنيا كانت برد اوى فواحد بيقول التانى : انزل تحت هتلاقى اسفلت طريق سريع هاتلنا من اى عربيه كبريت عشان نقيد النار وندفى
التانى بيقوله حاضر نزل وقف العربيه وقال السواق : معاك كبريت ؟ السواق قاله : معايا ولاعه
الراجل قاله : لا امشى . وقف عربيه تانيه وقاله : معاك كبريت ؟ السواق قاله : معايا ولاعه
الراجل قاله : لا امشى وهكذا . طلع للراجل فوق وقاله : ياعم كلهم معاهم ولاعات محدش معاه كبريت
الراجل قاله : انا عارف انك غبى انزل هاتلنا ولاعه وخلاص
نزل تانى الراجل وقف العربيه وبيسال السواق :معاك ولاعه ؟ السواق قاله : معايا كبريت
الراجل قاله : لا امشى . وهكذا .... طلع للراجل اللى فوق وقاله : كله معاه كبريت محدش معاه ولاعات
الراجل قاله : انا عارف انك غبى اطفى الشمعه اللى جنبك ونام

ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــ

صعيدي من قنا
انا صعيدى من قنــــا ... وجاى أقول أشعار

تنفع ملاحــــم غنى ... بالطبل والمزمار

قالوا الصعيد فى قنـا ... فيه العقارب وفيه ناس أشرار

قولت انا يابــــــحرى ... لو زورتنا تلقى الكرم أشعار

قالوا الصعيد فى قنا ... فيه البارود والنار

قولت الكره لو مسنا ... يبقى ركبنا العار

أشقى انا وأخويــــــا ... فى الزرع ويا الدار

دى مصر هى قنـــــا... بس الفرق فى المشوار
__________________________________________________ _________

الناس المخدوعه
قيل ان غزالا اعور لا يبصر الا بعين واحده كان يطارده الصيادين ويتبعون أثره فى كل مكان توجه اليه .

حتى لم يدعوه فى أمان مطلقا الا أن وصل الى جانب البحر فأطمأن الغزال .

ووقف محولا عينه الصحيحه الى جهة البر حيث يخشى الصيادين .

وعينيه التى لا تبصر ناحيه البحر ومرت وقتئذ سفينه فأخذ أحد راكبيها سهما ورماه فى قلب الغزال فأصابه .

فأنه نجا من ناحيه البر حيث كان يخشى ان يموت ولكنه مات من ناحيه البحر حيث كان يرجو الحياه .

كم من كثيرين حسبوا أنفسهم بعيدين عن خطر الموت والهلاك ولكنه أتاهم من حيث ظنوا الأمان .

(فلا تفكر فيما مضى من حياتك بل فيما بقى من عمرك ).

(ولا تفكر فى كيف تعيش حسنا بل كيف تموت حسنـــا)
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــ

ما قيمة الجوهره
راجل بدوى تـــــــاه فى وسط البريه

ما بقاش اكل معاه ولا نقــطه ميــــه

فتش ومشى كتير لكن زاد عليـــــــــــه

فى الاخر لقى بير فاضى وكيس جنبه

قال شكرا للــــــــــه الاكل اهــــو جـــانى

فى الكيس القى لـــوز ولا ســــودانى

لما فتح الكيس بقى حزنـــه ظاهــر

قال : انا حظى تعيس دى دهب وجواهـــر

مين يأخذها قــوام مع ممتلكاتــــــــــى

ويقدم ليا طعــــــــام يضمن ليا حياتــــى


ايمـــــــــــن
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــ

قصة شابين مثيره


شابين يعيشان معا فى عماره واحده واحد فى الدور الاول والتانى بالدور الاخير يعرفان بعض جيدا بس للاسف طريقهم مش واحد .
اللى فى الدور الاول يعيش حاله من عدم الاتزان الروحى يعنى هو والشيطان واحد .حيث انه زانى وسارق وسكران طول الليل .
اللى فى الدور الرابع يعيش مع الله دوما حيث الصلاه والصوم ومخافه الله
وفى يوم فكر اللى فى الدور الاخير ان ينزل للى فى الدور الاول وينصحه بان يبقى مع الله ويتقرب منه ويخاف الله فى كل افعاله واقواله ولكن
اللى فى الدور الاول نهره بشده وطرده خارج المنزل وقال له دى حريتى الشخصيه ومحدش يدخل فى شئونى الخاصه .
خرج التانى زعلان لا لانه نهره بل لانه لايستطيع ان يقنعه بوجهه نظره . وفى يوم من الايام اللى فى الدور الرابع واجهته مشكله كبيره بعمله حيث انه ضاع منه ملف مهم جداا وهذا كان فى الصباح ولم يكن له ذنب فى ذلك بل واحد من اصدقائه فى العمل الذين يكرهونه لانه متميز بعمله جداا والمديرين يحبونه جداا هو الذى سرق هذا الملف وعلى اثر ذلك تم رفده من العمل فورا فذهب الى بيته وهو زعلان جداا فلا يعلم ماذا يفعل فقال لربنا ازاى انا معاك يارب وكل المشاكل دى تحصلى ازاى انا قريب منك واترفد من شغلى وفيما هو يفكر كان الظلام قد ظهر .
اما اللى فى الدور الاول وهو ببار حيث الرقص والشرب واذ به قام ليمشى وركب ميكروباص حتى يصل الى منزله وفيما هو به واذا بالميكروباص يصادم بعربيه كبيره وكل اللى فى الميكروباص مات الا هو خرج سليما منه فذهب الى بيته وهو يفكر : انا كان ممكن اموت اليوم وكنت هدخل النار ولكن الله اعطانى فرصه للتوبه واخذ يفكر واخيرا قال انا اطلع للشاب اللى فى الدور الرابع واقوله عايز امشى معاك فى طريقك الى معرفه الله .
اما اللى فى الدور الرابع بعد التفكير قال اللى فى الدور الاول عايش حياته صح ومفيش مشاكل معاه خالص انا انزله عشان امشى فى طريقه
وما ان تحرك اللى فى الدور الاول للطلوع كان نفس التوقيت للى فى الدور الرابع للهبوط . وما ان تلاقوا الاثنين على السلالم وحصلت المفاجاه
زلزال عظيم يهز الارض بشده وعلى اثرها سقطت العماره وماتا الشابين معا .
وهنا السؤال : ايهما يدخل الجنه وايهما يدخل النار ؟

انا منتظر ردكم عليا لو سمحتم

ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــ

الصديق الحق
اثنان اصدقاء جداا كانوا ماشيين بشارع طويل وطلع لهم ذئب فواحد منهم فر هاربا نحو شجره وتسلقها وصاحبه فضل ينادى عليه لانه مش عارف يتسلق اشجره اما صديقه لا يهتم بمناداه صديقه . صديقه اخذ يفكر واتته فكره ان يتماوت على الارض فاتى الديب يتحسس ويشم بجسد صديقه كله مره فى انفه ومره فى اذنه وفى وجهه كله ثم اقتنع الديب ان الرجل ميت على الارض فتركه ومشى بعد ما تيقن صديقه الذى فوق الشجره نزل منها وقال لصديقه ماذا كان يقول لك الديب فى اذنك ؟
فقاله له صديقه: الديب قالى (ان الصديق الحق لا يترك صديقه وقت الشده

ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــ

لعبه خطيره من صعيدي

اى واحد يختار رقم ويخليه فى باله بشرط الرقم يكون من 1 : 9 ويضيف على الرقم اللى اختاره قده بالظبط ليا انا وبعدين يضيف عليهم 6 وبعدين يرمى نصفهم وبعدين يطلع نصيبى اللى ضافه من شويه عارفين الرقم اللى اختارتوه ايه ؟ الجواب 3 ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــــــــ
فرفش مع الصعيدي

واحده بتخون جوزها مع ثلاث افراد دخل جوزها دخلتهم البلكونه جوزها بيقولها يالا نطلع البلكونه الدنيا حر طلع البلكونه لقيهم قدامه طلعلهم الطبنجه قالهم ايه اللى جابكم هنا ؟قالولوا هنقولك الصراحه هتصدقنا ؟ قالهم ايوه .. قالولوا كنا فى طياره والطياره اتحرقت نزلنا بالبراشوتات على بلكونتك مصدقنا ؟ قالهم ايوه اتفضلوا ادخلوا وهما وبيتكلموا مع بعض واحد من التلاته بيسال الراجل انت ليه صدقتنا بسرعه كده ؟ قالهم ابدا اصل لسه امبارح مطلع تلاته غواصين من الحمام

ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــــ

حوار بين الحمامه والبومه
(الحمامه) :

ليه قاعده يابومه وحدك مزويه ؟
(البومـــه) :

الناس كارهينى أكبر كراهيــه

بيحبوكى انتـــى لكن كارهينى

أيه ذنبى ياربى ؟ أشمعنى يعنى ؟
(الحمامه) :

أصل انتى يا بومه مش بتحبيهم

فى نهارك نايمه ما تبانيش ليهم

وفى وقت نومهم بالليل بتقومى

حوالين منارتهم يلاقوكى تحومى

وأذا شفتيهم تظهرى تكشيره

وتروحى صارخه بطريقه مثيره

لو بتقابليهم وأنتى مبتسمه

لو صوتك رايق أو حلو النغمه

كانوا يحبوكى ويميلوا اليكى

بصراحه يا أختى الحق عليكى

المكروه لازم فى عيوبه يفتش

واللى ما يحبش برضه ما يتحبش



اخوكم ايمـــــــــن
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــ

قدر اصدق الخطاه
عجبى على طيرة
واقفه على عود الحط ... ونار حاميه بتكويها
واقفه وصياد القدر ... واقف برصاصه هيرميها
قولت عينى ياضحايا ... على الدنيا وما فيها
قولت عشان ... أقدر أنجيها
مديت ايدى ليها ... وأخذت بأديها
وجبت حرير من الهند ... عملت ستار يداريها
وجبت بخور من الجاوى ... عشان أبخرها وأرقيها
وجبت من العسل شهده ... عشان تاكل وأغذيها
وجبت من العنب خمره ... عشان تشرب وأسقيها
وجبت من الهوى غنوه ... بلحن الناى أغنيها
وف ليله وفى العشا... جالها واحد تانى يناديها
سابتنى للى كان وحدى ... وراحت برجليها
وهذا قدرى

ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــ

قصيدة التوبه ثم الرجوع الى الخطيئه
بللت فراشى بدموعى المره
وعاهدت الهى. دى اخر مره
هاثبت فى حبك واتبت كالصخره
من كل قلبى. مش راجع تانى

مش راجع تانى .مش راجع تانى . من كل قلبى . مش راجع تانى


وجات عليا الحرب قويه
رجعت تانى تانى . لعمق الخطيه
بكيت من قلبى . بتوبه نقيه
لكن لمده لمده . ورجعت تانى

ورجعت تانى . ورجعت تانى . لكن لمده لمده . ورجعت تانى


قويت ارادتى . كثرت عهودى
من فرط غرورى . ذودت عهودى
واثق بعزيمتى . واثق بجهادى
خانتنى نفسى نفسى . ورجعت تانى

ورجعت تانى . ورجعت تانى . خانتنى نفسى نفسى . ورجعت تانى


صرخت بشده . وقلت ارحمنى
انا عارف ضعفى ضعفى . يارب اعنى
القوة منك . من فوق مش منى
طول ما انت معايا معايا . مش هرجع تانى

مش هرجع تانى . مش هرجع تانى . طول ما انت معايا معايا . مش هرجع تانى

اخوكم ايمن
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــ

قلبي مخدعك

أنا يا اصل الوجود ... طامــع فى صحبتـــــك
لا لأحظى بالخلود ... بل هوى فى عشــرتك
فأرى ما لايرى ... وأنـــا فى حضرتـــك
واقفا أو ساجدا ... فى المناجاه معــــك
أو بصمت خاشع ... منصتا كى اسمعـــك
أو بقلب منتش ... هاتفا : ما أروعـــــك
يابديع الكائنات ... سيدى ما أبدعـــــك
ياضياء فى القلوب ... سيدى ما أسطعك
أنا يانبع الحنان ... من غراس رحمتك
أنت عند سقطتى ... قد تناهت رأفتك
ما فقدت بالضلال... رد لى بحكمتك
بالوداعه والمحبه ... قد تسامت دعوتك
يانزيل العالم كله ... ان قلبى مخدعك

ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــ

لماذا يتكبر التراب والرماد ؟ الموضوع ده جميل جدا ياجماعة ياريت تشوفوه

مغارة كبيرة مكونه من 3000 مخبأ بعضها داخل بعض ومتشعبه كتيرا ومتعرجة فاذا دخل أحد لا يقدر على الخروج منها .
بل كل من يدخلها يموت فيها فاذا حكموا على أحد لايقدر بالدخول فلا يعرف أن يختار الطريق الصحيح الذى سلكه فى الدخول .
ثم يدور ويرجع ويسير فى غيرها وربما أحس بآثار دوسه فظنه قريبا من باب المغاره فيتبعه فاذا به يدوس عظام وجماجم الذين دخلوا قبله وهلكوا فيرتعب ويرتعد ولا يزال على هذا الحال الى أن يهلك جوعا وتعبا وحسره ويموت .
فحدث أن حكم على شخص بالدخول الى هذه المغاره فأخذ معه كميه من الحرير الرقيق
ربط طرفه بالباب ودخل وهو ممسك بيده الحرير حتى اذا جاء آخر المغارة أخذ يلف الخيط على ركبته كما كان وهو يتبعه الى أن عاد الى حيث دخل بسلام ولم يضل فى ظلماتها المدلهمة .

(فأحترس وأنتبه وفكر قى كيف تخرج من العالم . لا فى كيف تبقى )
(لأن البقاء فيه غير مضمون . أما الخروج منه فمؤكد ولا يختلف فيه أثنان )
(عيشا كأنكما مزمعان أن تموتا كل يوم فاذا هاجت فيك محبه العالم فأذكر أنه يمضى وشهوته )
(واذا آنست فى نفسك جنوحا الى الكبرياء فسلها :لماذا وعلام يتكبر التراب والرماد ؟ )
(وهكذا أذكر الموت اذا أراد الشيطان أن يجربك

ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــ

سؤال جميل يحير الجميع

رجل قابل اعرابى وكان يريد ان يساله عن سنه كام ؟
قال الرجل للاعرابى : كم سنك ؟
قال الاعرابى : سنى من عظم
فقال الرجل : لم اقصد ذلك بل كم لك من السنين ؟
قال الاعرابى : وهل لنا من السنين شىء كلها لله وحده
فقال الرجل : ياهذا اريد ان اسالك ابن كم انت ؟
فقال الاعرابى : ابن اثنين اب وام
فقال الرجل :سنك كم ؟
فقال الاعرابى : اثنان وثلاون سنه فى فمى سته عشر من فوق وسته عشر من اسفل
فقال الرجل : يارجل كم تعد ؟
قال الاعرابى : اعد من واحد لالف والف الالف
فقال الرجل : ياسيدى حيرتنى معك فماذا اقول ؟
قال الاعرابى : قل كم مضى من عمرك ؟

ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــ

قصه جميله من اخوكم الصعيدي
اثنان يعيشان معا حياه الشركه يصليان معا يعملان بالحقل معا اتفقا ان لايقربا من الستات لانهم خطر علينا وفى يوم وهما معا بالحقل اتت سيده فى قارب وما ان همت بالقفز سقطت بالماء وسقط معها ما كانت تحمله بيديها فاتى واحد منهم وحملها على زراعيه واخرجها خارج الماء .. وفى المساء وقبل الصلاه اتى صديقه وقال له نحن تواعدنا ان لا نتقرب من النساء وها انت تجاسرت وحملت هذه السيده على زراعيك بالصباح فلماذا ؟ احنى الاول راسه واخذ فتره من الوقت ثم قال يا اخى انا حملتها بالصباح وها انت تحملها حتى هذه اللحظه فليس كل ما نلمسه بادينا يدخل قلوبنا وليس كل ما يدخل قلوبنا يعيش فيها .

امضاء ايمن الصعيدى

__________________________________________________ ______________________________