خــــــــلاص



هجـــــرتني

وفـــــوتني

وبعتــــني

من بعد ما حبيتك

وبقلبي ناديتك

وفي عيوني خبيتك

وبرموشي دفيتك

وحبي وعشقي

وعمري كله إديتك

وعن خطايا كتير توبتك

وبعيد عنها بعدتك

وعمري ف يوم


ماجرحتك ولاعذبتك


ولا خونت يوم عهدك

وهجرتك

وكل شيء حلو اديتك

وبحياتي وروحي فديتك

ودلوقتي انت الي بعتني

وجرحتني

وفوتني

وهجرتني



صحيح تعبت في الاول

والأسوه خليتني اتحول

لكن من تاني

صلبت عودي ورديت عهودي

ما انا لازم اعيش ايامي واكمل

وانسى جرحك واتحمل

لأني مش انا الخسرانه

ده انت الخسران في الأخر وفي الأول

بص لحالك وحالي

وشوف مين للتاني إدى

وحب وحن واتحمل

ومين فينا للتاني

غدر وجرح وهجر

وللحب نكر

وقلبه اتيبس واصبح حجر



وساعتها هتحلف بحياتي

وحقوللك خلصت حكايتنا يا حياتي

مع السلامه

وليك كل تحياتي

مش هقعد أشكيلك وابكيلك

ولا أزل نفسي واحكيلك

وزي ما قسيت عليا

و هجرتني وغدرت بيا

انا برضه نفسي تعز عليا

وعزة نفسي عليا غاليه

__________________

منقول
على فكرة ده واحدة صاحبتي كاتباه في منتدى تاني ونقلته منها بس عجبني اوي يارب يعجبكوا