(اذا دخل رمضان فتحت ابواب الجنة وغلقت ابواب النار وسلسلت الشياطين ونادى منادى ياباغى الخير اقبل ويا باغى الشر اقصر)
بعد مرور عشر ايام من الشهر الفضيل اخبارك ايه واخبار العبادة ايه استعديت للجنة وهربت بعملك من النار طب جاوب على اسألتى وشوف نفسك كده
اخبار الصلاة ايه كاملة والحمد لله!
اخبار الصلاة فى جماعة اية!
بتصلى ركعتين فى الضحى?
بتصلى التراويح والقيام?
انت فى الجزء الكام وهل هتلحق تختم القران بالمعدل ده?
اخبار الصدقة ايه?
صلة الرحم تمام ولا000!!
مخاصم حد طب لو مخاصم هتصالحه امتى?
دعيت بالليل ولقيت قلبك ولا ما جربتش?
دعيت لله فى حاجة ولو كانت صغيرة ?
طبعا متابع البرامج الدينية ولا بتشوف المسلسلات ?
سيبك من ده كله اخبار الصيام ذات نفسه ايه غاضض بصرك وصاين نفسك ولا عطشان وجعان بس ?
لغايه كده ويمكن تكون الاسئلة خلصت بس لسه كلامى ماخلصش انا عايزة اقول لكل واحد وواحدة مستنى ايه فات عشر ايام وانتم لسه مش حجزتوا مكانكوا فى الجنة دا الجنة مفتوحة وبتنادى علينا وربنا مجهزها لنا نقول للفرصة دى لا
رمضان فرصة يا جماعة بوصيكوا اوعوا تضيعوها مش تستنوا بكرة ولا بعده توبوا النهاردة ارجعوا لربنا وقولوله انا احنا محتاجينه جدا ونفسنا نبقى من العتقاء السنادى
الشيطان متسلسل الشهرده وعايزين نستغل الفرصة دى عشان نبدأ فى الطريق الصح ولما يتفك نكون احنا حفرنا مكان على طريق الهداية ونكون ثبتنا عليه ايه رأيكوا فى الكلام ده
لومش حسيت بالكلام ده ومش حابب تبدأ احب انا اقولك ان شيطانك سايب وان انت اعطيتوا القوة عشان يكسر القيود ويتسلى عليك ويا حسرتك يوم ماييجى يتبرى منك وساعتها مش هينفع تندم ولا ترجع ونجيبلك فرصة عشان تعمل اللى احنا قولنا عليه
معلش طولت عليكم وتقبلوا منى خالص دعواتى بالهداية