ندعي !!!!!!!!! ماشي يا سيدي هو الدعاء حاجه حلوه وكل حاجه بس هو ممكن يعمل حاجه ؟ و ادعي ليه ؟

ليه ايه بس يا سيدي يرضيك " الصادق الامين " لو شاف حال امته الوقتي يلاقي فيها كميه الغش والسرقه ووووووووووو الموجوده الوقتي

يرضيك الاتهامات اللي بتتوجه للاسلام وانه دين ارهاب

ليه ايه بس انت مش شايف حالنا معدش في تحت كده ولا اسوأ من كده يرضيك الصور اللي اتعملت علي الرسول ؟


يعني الدعاء ممكن يعمل ايه ؟ وهل ربنا حيستجيب لينا بكل غلطاتنا وذنوبنا دي ؟

يااااااااااه لأ استني انت متعرفش ان ده اقوي سلاح في ايدك واكبر نقطه قوه عندك واحب حاجه لربنا

مش مقتنع ............ طيب اقرا معايا

1 - قال رسول الله صلى الله عليه وسلم: ((ليس شيء أكرم على الله عز وجل من الدعاء))

شايف منزله الدعاء عند الله

2 - قال رسول الله صلى الله عليه وسلم: ((من لم يسألِ اللهَ يغضبْ عليه)) - أخرجه أحمد

شايف لو مدعتش يحصل ايه

3 - قال تعالى: {وَإِذَا سَأَلَكَ عِبَادِي عَنّي فَإِنّي قَرِيبٌ أُجِيبُ دَعْوَةَ ٱلدَّاعِ إِذَا دَعَانِ}

اخد بالك من معني الايه الموضوع عندك انت " اذا دعان "
لو دعيت الموضوع منتهي ربنا حيستجيب

اسم الله المجيب اصلا معناه " الذي يهدي عباده الي الدعاء ليستجيب لهم " لو مكنش ربنا عايز يستجيب لك مكنش هداك للدعوه اصلا

خلاص اتفقنا....... يلا يا عم بقولك احب حاجه لربنا واحسن واقوي حاجه ممكن تخدم بيها الاسلام والمسلمين


خلاص خلاص حدعي معاكم حاجه تانيه ؟
ايه يا عم هو الاسلام مش غالي عندك ولا ايه ؟ مش نفسك تشوف بلدك احسن وعايش بكرامتك في بلدك وبره بلدك ولابس احسن هدوم وراكب احسن عربيات وتشوف الاسلام ليه احترامه في كل مكان ؟ مش نفسك لما تتخرج تلاقي شغل لو انت طالب او لما ابنك يتخرج يلاقي شغل حلو مستنيه لو انت أب

مش نفسك لما الرسول يوم القيامه يقولك عملت ايه لما انا اتشمت واترسم عليا صور مهينه ؟

مش نفسك تلاقي حاجه تقولها

متشد حيلك معانا

يعني عايزيني اعمل ايه ؟

قبل ما اقولك تعمل ايه حسألك سؤال في كام مسجد في مصر ؟

ايه !!!!!!!!!

استني بس وفي كام مسلم في مصر ؟ كام مسلم بيطلع حج من مصر سنويا ؟ كام صلاه تراويح في مصر وكام مصري بيبكي من خشيه ربنا كل يوم

انت متعرفش ان كل ثواب المصريين ده في ميزان حسنات عمرو بن العاص ان شاء الله يوم القيامه

ليه ؟

لان خد بايد الناس دي كلها وربنا دخل الاسلام علي ايده مصر

طب ودي دليلك فيها ايه ؟

اسمع كده بقلبك حديث سيد الخلق " من استن سنه حسنه في الاسلام فله اجرها و اجر من عمل بها لا ينقص من اجورهم شئ ..."

عرفت بقي ايه المطلوب منك ؟ مستني ايه لسه ؟

بلغ اصحابك وخد ثوابهم واكتب علي المنتديات وكلم اقاربك وابعت علي المسنجر وابعت sms للناس وقول لامام المسجد يقول للناس ومتنساش جيرانك وابعت رسايل للدعاه خليهم يقولوا في الفضائيات تخيل كل اللي يعرف من التليفزيون يبقي في ميزان حسناتك انت
وعملنا جروب علي ال facebook اسمها " دعوه تصلح بيها حياتك وحياتنا " عايزين نعرف منها كام مسلم عرف وكام مسلم حيدعي عايزين الناس كلها تشترك عليها وتبقي حاجه تجمعنا

يلا بقي اعمل حاجه كبيره تخليك جار سيد الخلق( عليه افضل الصلاه والسلام ) في الفردوس الاعلي تخيل لو وصلت رسالتك دي لكل شباب السعوديه تخيل كل ده يبقي في ميزان حسناتك

طيب مين ناوي ياخد ثواب دول آسيا المسلمه ؟

طيب مين ناوي ياخد ثواب الجاليات الاسلاميه في الدول الغربيه وامريكا وكندا ؟

يلا بقي ده الاسلام لو معملناش كده ومتعبناش كده للاسلام حنتعب لمين ؟


اتفقنا حنموت نفسنا ونوصل الموضوع ده لكل اللي بيقول " لا اله الا الله محمد رسول الله "

طيب حندعي يوم 25 ان شاء الله علي الفطار علشان زي ما نت عارف
" للصائم عند فطره دعوه لا ترد " صدق رسول الله

اوعي تكون مش مصدق او شاكك ده كلام الرسول عليه الصلاه والسلام الذي لا ينطق عن الهوي

اعمل حسابك كل ما تكون من جواك متأكد ان ربنا حيستجيب لك كل ما فرصتك فعلا ان الدعاء يستجاب اكبر



طيب حندعي حنقول ايه
حندعي للمسلمين : ربنا يهدينا ويصلح لنا احوالنا ويعزنا ويبارك لنا في ارزاقنا ويوحد صفوفنا وكلمتنا ويجعل كل من يشارك في هذه الحمله من اهل الجنه ويولي امورنا لاهلها ولمن يستحقها ويخاف الله فينا ويعنّا نعمل حاجه للدين تشفعلنا يوم القيامه

حنقترح صيغه اللي يحب يدعي بيها ماشي

اللي يحب يدعي بدعوه معينه فدماغه ماشي

المهم

ياشباب فكروا من هنا لحد يوم 25 ناوي تخدم الاسلام ازاي ودورك ايه في النهضه واوعي تنسي اصحابك وكل شباب الامه ادعيلهم ربنا يهديهم وياخد بايدينا جميعا لما يحب ويرضي ومتنسوش معادنا يوم 25 علي الفطار

ودي الدعوه المقترحه " اللهم خذ بأيدي المسلمين جميعا اليك اخذ الكرام عليك وبارك لنا في ارزقنا وولي امورنا لاهلها وحبب الينا الايمان وزينه في قلوبنا وكره الينا الكفر والفسوق والعصيان واهدي شبابنا "