[size=10pt] كفكفوا دموعكم ياعرب!!!




أحبائى...

بعد مشاهدتى لهذا الرسم الكاريكاتورى ومشاهداتى للواقع الأليم والمخزى الذى طعمه فى حلوقنا مر كالحنظل وعجزنا وخزينا وعارنا فى تعامل أنظمتنا وحكوماتنا العربية والإسلامية مع قضية فلسطين عامة ومشكلة غزة والحصار والعدوان بصفة خاصة وعاجلة شعرت بغصة تكاد روحى أن تخرج بسببها حاولت الكتابة أن كفكفوا دموعكم يا عرب وعزمت على سرد المشاهد فوجدت أن هذا الأخ الحبيب على مدونته قد كتبها د.سامح إسماعيل ، في 5 نوفمبر 2008 الساعة: 22:17 م فأوضح وأجمل فنقلتها لكم على أمل أن تجد كلماته آذان تسمع وقلوب وعقول تعى وتفهم!!!

http://drmohamad555hotmailcom.blogspot.com/

دموع على صفحات التاريخ!!!!

المسرح أهو منصوب فوق أرضنا

عرض الرواية من البداية اتفرجوا

أرض وحجارة وغدر ضيع أرضنا

ودم نازف من قلوب اللى اشتكوا

موشي وشارون كتبوا الرواية بدمنا

والعالم الانسان والامريكان راح يعرضوا

سواريه ماتينيه لنا كلنا

وبدون فلوس ياك تفرحوا

المشهد الاول

رمال وجمال وعرب نايمين

وولاد صهيون بيقولوا راجعيين

والدم بحور لها موج بيثور

يطلع ويفور على دير ياسين

البحر من غضبته موجه احمر

والنخل من ثورته حدف تمر

والشمس من حزنها صبحت تلج

وجبالنا من قهرها حصاها اترجع

خرجت جيوش العرب يا فلسطين

شايلة الرايات والوعود

ومعاها حلم سنين

بس وعودهم … كانت وهم

رمز رايتهم … رسمه الوهم

حرب

وهدنة

خيانة

ونكبة

وضاعت أرضك يا فلسطين

ودمع عيوني ما بعده أنين

ماكو أوامر كلمة اتقالت من الخاينين

اللى بايدهم دفنوا تاريخنا في قلب الطين

المشهد الثاني

في وسط العتمة … طاقة نور

طلّلت من مصر أم النور

كلام معجون .. بحنين وشجون

وحماس الشعب المقهور

التار التار .. يا بحور النار

وأغانى وأشعار وزهور

بتزف بشاير نصر أكيد

لشعوب نسيتها أيام العيد

ناصر ناصر يا منصور

عدى بحور

جهز كل الشعب العربي

ليوم النور

وركب جيشنا بساط الريح

وهدفه صريح

قالوا هنكتب بكرة سطور

سطور من نار بحروف النور

من نومنا صحينا وضاعت سينا

والحلم أصبح وهم صريح

وسلاحنا القاهر والظافر

ركام وصفيح

النكسة فردت جناحاتها

ورمتنا في مهب الريح

مركبنا فردت شراعتها

رستنا على شط جريح

القلب المغسول بدموعه .. في قهر الليل بيتكلم

ولسانا المقطوع من يومه ..في جمر النار بيتكلم

والشعب المهموم بهمومه .. راح يجي يوم ويتعلم

وبايده يمسح أحزانه .. ويعيد الضربة يا معلم .

المشهد الثالث

ليل العرب سماه ما فيها نجوم

حتى الجناين طرحت جراح وهموم

وصيفنا ساعة العصاري رعود وغيوم

دا النهر شايل في قلبه لهيب وحموم

الاقصي ده مسجدى يا ليلة الاسراء

وجهته كانت قبلتى لرب السماء

النار في حوش الاقصى قادت جمار

والصبر من حرقته راح يقلع الصبار

حرقوك يامسجدى

يا أول قبلتى

وفاتوك وحيد للنار

زكريا في المحراب .. يبكى السراب

ويحيي من صدمته حرق الكتاب

شاهد عليكوا داود .. يوم الحساب

يالللى صلبتوا المسيح

بكرة المسيح هيعود

يا للى حرقتوا الزتون

ياما العيون هتجود

لما المسيح هيعود

على راسه تاج النور

وفي ايده سيف مسحور

يهرب كل اليهود

زى الضباب في العصر

يرفع رايات النصر .

المشهد الرابع

على ضي نجمة حزينة … يبكى القمر

على دمع أم ضناها … صابه القدر

على دم طفل قتيل … في بحر البقر

على حلم سعد وسميرة واميرة وسمر

الدمع بكرة في شتانا .. يصبح مطر

والضحك بعده في كلامنا .. يبقى بحذر

وصاحبنا وقت الاماني … يبقى الخطر

والورد يهجر غطانّا … ويا الشجر

لاهى أول الاحزان ولا آخر الاحزان

معقولة من حزننا

ننسى الألم

معقولة نجمة داود

تبقى العلم

معقولة ؟؟؟؟؟؟

المشهد الخامس

بيروت دى كان اسمها دير القمر

سرقوا في ليلة حزينة منها القمر

من حزنه يبكى القمر .. يشكى الهموم

وليلاتي تلمع دموعه .. تصبح نجوم

بياع الصبر باع الصبر بالموال

بياع العرض باع الارض بالاميال

مصاص الدم مص الدم خلاه سال

غطت بحور الدم أعلى جبال

صابرا وشاتيلا في كل ليلة

تنسى المنام تزرع آلام تبكى الخيام

كام الف ماتوا هز البكا حجر الجبال

وفي يوم ما نادوا رد الصدى بيقول محال

صابرا وشاتيلا..الحزن باقي في العيون

والعيون باكية وحزينة

صابرا وشاتيلا ..منين أجيب الصبر

وفين أنا هأشتل الموال .

المشهد السادس

ليالي الشرق زارها ….الحزن في المواعيد

شقت تياب الفرح…. ليلة العيد

نزلت عناقيد الغضب….. آه يا عرب

قانا في توب الحزن تدفن المواليد

قانا في نهر الدمع تبكى حلم بعيد

قانا يا أرض متشربة بدم الشهيد

يملى الشقوق الحزينة .. حزن جديد

يسكن في قلب الجمر ناره تزيد

ياليالي الشرق ….ليه دايماحزينة

يا غيوم الهم….. ليه سودة وعظيمة

يا شموس النصر…. ليه تبقى هزيمة

قانا .. موعدنا كان هنا

وفراقنا يوم لقانا مكنش بيدنا.

المشهد السابع

عادوا التتار للديار .. دقوا أبواب بغداد

حرقوا قصور الرشيد ..سرقوا شموع الاعياد

رجعوا التتار للديار .. فرضوا الحصار

ما هزهم دمع الصغار…..ما همهم صرخة جريح

تحت الجدار

دجلة يقول للفرات .. مشتاق لنسمة ريح

وقلبي قايد نار

بغداد تحلم بلحظة نور ..تصرخ يوماتى تثور

وتنادى شمس النهار

وأبو جعفر المنصور …بالدمع يبكى بحور

في لحظة انكسار

عليكى يا بغداد.. يا حسرة الامجاد

ومحنة الانهيار

وااامعتصماااااه .. الحلم يوم نلقاه

بيطارد التتار

بيحقق الانتصار … يكسر طوق الحصار

سيفه يهد الجدار

يرحل كل الغزاة…نرفع كل الجباه

تطلع شمس النهار

المشهد الثامن

الحكاية المرة ديه ..مش عادية

الحكاية مفاوضات ..أومسرحية

وف نهاية الامر هتضيع الهوية

وف دروب الصبر بتتوه القضية

من مدريد لأوسلو ..لشرم الشيخ لطابا

هو ممكن المعيز برضه تخدع الديابة

والشريك المحايد ..مش محايد يا غلابة

والقمة قايمة بس نايمة في الطيابة

هنلف العالم محتجين

أمريكا وروسيا كمان والصين

وهنعلن دولتنا الحرة

على أرضك بكرة يا فلسطين

استنى يا عم ما تتهورش

دولة ايه تعالى وخش

إقعد نشرب قهوة وشاى

ونشوف سلامنا هيجي ازاى

الشرط نور وشروطنا زى البنور

لا لحدود سبعة وستين

لا لتقسيم القدس اتنين

لا لتسليح شعب فلسطين

وانسي موضوع اللاجئين

هو ده آخر الكلام

هو ده معنى السلام

سلام الشجعان الجدعان

والرجالة بحق تمام

واللى عاجبه يجينا قوام

ونحضر له القعدة تمام

هندور ونلف معاكو الكون

علشان نتفاهم كله يهون

مفاوضات ..مفاوضات

والصبر مات

اجتمعوا علشان يتفقوا

على يوم ما يجيوا يجتمعوا

واجتمعوا علشان يجتمعوا

واتفقوا بعدين اختلفوا

على ايه الأول:

يتفقوا قبل ما يجتمعوا؟

يجتمعوا قبل ما يتفقوا؟

طب امتى وفين راح يجتمعوا

زي حكاية البيضة والفرخة

من قهرنا راح نصرخ صرخة

على اللى صبر ولا طالشِ

واللى اتفاوض ولا نالشِ

المشهد التاسع

هرولة هرولة

فقدان ذاكرة

الكل بيجري ع التطبيع

علاقات .. دولارات

وتجارة وربح أكيد وسريع

وانسي الماضي

وعيش الحاضر

انسي الغدر والترويع

انسي الشهداء الأبرار

انسي الثوار الأحرار

انسي الأرض

وبيع العرض مع اللى انباع

واعشق هرولة التركيع

طب وأنا مالي

دي سياسة ياعم

راح أعدّل حالي

وأسيب الهم

ماهو كل اخوانى قالوا هنبيع

هنبيع الأرض العربية

وكرامة الأمة العربية

وتاريخ الأمة العربية

وإلا نضيع!!

معقولة نبيع دمك يا شهيد

وازاى هنغنى في ليلة العيد

معقولة شموسنا ف لحظة تغيب

معقولة أيامنا ما فيها ربيع

بس اخواني قالوا تطبيع

حط الإيد فوق ايد القاتل

اغرس فوق الارض شعارهم

وانسى الحلم العربي المايل

خلى ديارنا تبقى ديارهم

افتح كل ببانك يللا

شمس التطبيع طلة وهلّة

بكرة النسمة تهجر دارنا

بعده تاريخنا يسجل عارنا

وعيش واتهنى بالتركيع

ماهو زماننا خسيس ووضيع.

المشهد العاشر

يا اللى حكمت شعوب العالم .. زى اله

انت الملهم .. انت المبدع .. رمز الجاه

انت الماشي بعقله وفكره .. مش بهواه

قيصر .. كسرى .بالنسبة لك دول أشباه

لما تقول حاربوا الارهاب.. مش فاهمين

لما تقول قاعدة وطالبان ..نرد آمين

لما تشوف مرة فى منامك اننا جهلة

كل شعوب الدنيا ترد اننا جاهلين

لما تقول ان الاسلام دين القتلة

كل شعوبها تهلل فورا .. دول قاتلين

لما تقول فين الارهاب .. فين الخاينين

يجي شارون ويقول عندى في فلسطين

ترد آمين .. والمطلوب نفضل تابعين

أما أسيادنا بطانة الحاكم ناس احساس

شالوا مباخر حوالين منه

بخر .. بخر وباخلاص

بخر .. بخر

والدخان راح يعمي الناس

فقدوا بصرهم

ماهو الملهم برضه بصيرنا

فقدوا سمعهم

هو بيسمع …وبيحكى لنا

فقدوا لسانهم

هو بيخطب وبيدعى لنا

هو العالم .. هو الكون .. هو الكل

واحنا وراه .. وقلبنا ابيض زى الفل .

ختام

نزل الستار

ع العرض العرض الحزين

هتصقفوا؟

وألا البكا يصبح أنين

عربي صحيح..؟

والا كلمة تسد خانة في شهادة الميلاد

وان كنت عربي؟

ليه سبت عرضك ..؟

ينهشوه ف كل البلاد

ليه سبت أرضك

ملك شايع للديابة والاوغاد

ليه خنت وعدك ؟

طوّلت ليه يا ابنى البعاد

وشطبت من كل الكتب

ونسخت من كل الكلام

كلمة جهاد

ليه سبت دور البطولة

دور الريادة والرجولة

؟

ارجع ورا .. فتش صفحات السنين

قلب تاريخك كل لحظة وكل حين

دا التاريخ مليان حنين

اسألوا كتب التاريخ هتقول لكوا

إن الجهاد أجمل صفة في شعبكوا

هو الحقيقة ف حلمنا

هو رصيدنا ف عمرنا

(1)

عمر التاريخ يوم ما يكدب

ده حقيقة بتتحدى السنين

برهانها كان صلاح الدين

كانت حياته نبع لجهاده

ورايته عالية في كل حين

لما الصليبي أراد يدنس مسجده

جمع الرجال .. جهز سهامه في جعبته

خرج البطل .. يحميه إلهه في غربته

بدأ العمل والدنيا صبحت دنيته

خلق الأمل

من وسط عتمة حاصرته

بدأ القتال .. صبر الرجال

اللى كانوا مستبشرين

في القلب كان للنصر حنين

وأيامنا تعشق يوم حطين

(2)

حتى التتار اللى استباحوا دمنا

اللى أرادوا كل شبر في ارضنا

اللى زلزلوا الجبال من حولنا

اللى ملوا الدنيا خراب

طووا الجيوش بين التراب

نده المنادى ف كل وادى

الى الجهاد يا شعبنا

خرج البطل بالعون ممدود

وف حضن مصر كان موجود

بدأ الجهاد .. يوم المعاد

ويوم الجهاد حىّ وما يموت

سجل يا زمان

يوم عين جالوت.

(3)

درس التاريخ ما انتهاش

لسه كلامنا ما ابتداش

لما اليهودى اراد يدنس حلمنا

يسرق تاريخنا وعمرنا

يهدم بايده مجدنا

يسرق تاريخنا وعمرنا

يهدم بايده مجدنا

هجرنا وادى الاوهام

واللى صحى عمره ما نام

خرج الجريح من نكبته

طلب الجهاد من أمته

جهز جيوشه بهمته

حطم أسطورة الأوهام

جدد أفراح الأيام

عبر البحر

وشق الجو

وهز الأرض

غنى لساننا للاحزان

الكل فدائي ومافي جبان

فاكرين يوم عشرة رمضان

***

لما مرت السنين .. لما عدّت الليالي

الكل قال .. أبقى في حالى

لما أرضك تتنهب.. لما عرضك يتسلب

لما طفلك صرخته تهز الليالي

معقولة تخاف معقولة تهاب

وتسمى مقاومتنا ارهاب

&&&

يا صوت حزين ملهوف

يا شعوب مليها الخوف

اتحركوا .. اتحرروا .. سيبوا الكهوف

واتكلموا .. انطقوا بجرأة الحروف

ارفعوا الاصنام من فوق العروش

حرروا الانسان من قلب النعوش

زلزلوا الفرعون .. كسروا النقوش

اتوحدوا

غصن الوحدة مهما يدبل عوده أخضر

يوم ما نمحي من وجودنا البحر الأحمر

تلتقي أجنحة اليمامة .. يومها نقدر

يومها نبقى خير أمة

أمة واحدة .. نبقى لمة

هو الحلم يا أمة

حلم محتاج كل همة

&&&

حرر بايدك كل القيود

اعبر بحلمك كل الحدود

غيرنا راح يبنى السدود

بس الرجال .. خير الجنود

انجد أخوك من نكبته

ضمم الهمم مع همته

غير بنورها ضلمته

دا اللي ما يملك يا ابنى قوته

عمره ما يملك كلمته

واللى ما يملك كلمته

بيعيش عبد لقمته

شـد الستارة السودة

ع المسرحية السودة

وع النص الحزين

واكتب تاريخك للسنين

قبل ما تغرب شمس الأمة

زيل الغمة

ده اللى بتغرب شمسه ما ترجع

أبدًا مـــرة .

ـــــــــــــــــــــــــ ـــــــــــــــــــــــــ ـــــــ

تعليق من صدام حسين رحمه الله وغفر له!!





كفكفوا دموعكم : بقلم الشهيد صدام حسين المجيد

هل انتهيتم من تلاوة كلمات الرثاء؟؟؟

هل فرغتم من مجالس العزاء؟؟؟

كفكفوا دموعكم

لاتحدقوا فى الظلام

صدام فى رياض الجنان

لاتيأسوا فالنصر آت

حتى لو طال الزمان

لاتبكوا على رحيلى

فقد لاحت لى ابتسامة عمر المختار

لاتأمنوا جانب الروافض

عليهم لعائن الواحد القهار

لاتنثروا الدموع

دكوا معاقل الاستعمار

لاتجزعوا انى أسمع دوى رجال كالخرير

يقرعون الأرض بأقدامهم

يحملون بين أضلعهم قلوبا لاتعرف الا الايمان

لاترتضوا الظلم والهوان

مغول العصر والتتار

هدموا الديار وقتلوا الأطفال

أحيلوا الرمال تحت أقدامهم الى قنابل وألغام

اسحقوهم القوا بهم فى هوة النسيان

التاريخ سيسدل عليهم الستار

لالم يكن حبل مشنقة

بل طوق من سندس

لكنهم لايدركون أحفاد الماجوس اللئام

هاهم الشهداء يتألقون كالنجوم فى السماء

هاهو الشيخ أحمد ياسين يعانق الأنبياء

هاهو محمد الدرة يعزف لحن الخلود

ليس صدام العروبة من لايلبى النداء
[/size]