الموضوع: اللى عندها مشكله تيجى هنا مع الدكتورة ((بتاعة المشاكل)) لؤلؤة الطيب

السلام عليم ورحمة الله وبركاته

ازيكم يا جماعه

لكل ست بيت لكل متزوجه

اللى عندها مشكله فى البيت مع زوجها

مع اهل جوزها

اخوه اختته امه ابوه اي حد قريب من جوزها

تعالو نحل المشاكل دى

مع اعضاء النجه وانا كمان هساعد باذن الله فى جميع المشكلات اللى هاتطحط فى الموضوع دا

واللى عايزة موضوعها يكون فى سريه تامه انا عندى فكرة حلوة

تعمل تسجيل خروج وتسجل باسم جديد وايميل جديد وتكتب المشكله وباذن الله هانحله مع بعض

ولو ماعرفناش هانبتدى نستعين باكبر الاطباء النفسيين فى العالم وبعض محاضراتهم

سواء لو الزوج بقى عصبى عنيد محبط كاذب خائن بخيل غير نظيف او غبى ((عذرا لجميع السيدات اللى فى المنتدى)) انا لا اقصد الاهانه

ونبتدى نحل المشكلات فى البيت

انا عندى حلول كتيرة اوى للحالات بتاعة الازواج لانى بحمد الله انى قرأت كتيييييير اوى اوى فى الموضوع دا

وشفت مشاكل كتيرة واى اوى اوى لزوجات وكتير باشوف حلول تنفع لهم

بس الموضوع اهم حاجه فيه انه مايخروجش عن نطاقه وينحرف لخط الضحك والفرفشه

دا لو الموضوع مش مخالف للقوانين الخاصه بالمنتدى

شكرا وباذن الله المشاكل اللى هاتتحط هاتبتدى من غدا اى 5/3/2009م

وبلاش حد يضايق لما الموضوع بتاعه مايتردش عليه بسرعه وان شاء الله هايكون الرد خلال 5 ايام بالظبط وممكن يكون فى حوار لازم بينى وبين صاحبة المشكله

علشان اعرف التفاصيل واحل معاها على اساس التفاصيل

وشكرا

ارجو ان الموضوع يعجبكو

وتم تثبيت الموضوع للاهميه


شكرا ليكى لؤلؤة /hoba /hoba /hoba /hoba

ربنا معاكي

ربنا يخليكو يا جماعه على المورو بس انتو كمان تشدو حيلكم معايا

انتو كمان هاتدونا حلول من دماغكم

يلا باذن الله هايكون اول رد من الاخت ........................

يلا بسرعه انا هنا

من الاخت مجهول

هى عرفتنى بالقصه وحبيت انقلها لكم

بدايه القصه

انه فى بنت اتجوزت واحد كويس بالنسبه ليها

مشكلتها هى اخته

اخته اصغر منها

ومغلباها كل يوم تروح لاخوها وتحكيله على قصه وهميه فيها انه هى

اتخانقت معاها من غير سبب

المشكله انه جوز البنت المجهوله بيحب اخته اوى علشان كداا مايقضرشى يرفض لها طلب

واحيانا بتحصل خناقات طويله تاخد وقت طويل جدا على ما يفكوها

وحكت لى على حاجه حصلت بس مش هاتتحكى علشان كدا انا هارد عليكى دلوقتى

بصى يا اختى

1- اوعى تتخانقى معاها فى اى حاجه يعنى حتى لو هى جت اتخانقت معاكى حاولى تكونى فى ابرد مايكون هدى نفسك لو متعصبه .....

--دا هايفرسها اكتر

2-حاولى تاخدى النصايح من ركن حق الزوج تخلى زوجك يحبك باى شكل من الاشكال

--لان سبب وجود المشاكل استغلال اخت الزوج حب اخوها ليها

3-وانتى قاعده كدا مع زوجك قولى له باى شكل من الاشكال انا بحبك لدرجه انى اكره اللى يستغل حبك ليه

واوعى تجيب له سيرة اختك

4-فى وقت خانقات مع زوجك بسببها حاولى تعرفيه انك استحاله تكونى ضدها وتظاهرى بالمفاجاه لما تعرفى اى قصه من اللى هى اختلقتهم






دول اربع نصايح لكل واحده عندها خناقات مع زوجها بسبب اخت ليه بالطريقه دى

http://www.se7o.com/kb/index.php/topic,37840.0.html

دى اهم المواضيع فى هذا الكن ممكن تساعدك

http://www.se7o.com/kb/index.php/topic,20653.0.html

http://www.se7o.com/kb/index.php/topic,40255.0.html


وان شاء الله راح تتفك كل الخناقات اللى بنكم

بصى مبدأيا كده انتى ربنا هايجزيكى خير ان شاء الله على اللى انتى بتعمليه ده
الحاجة التانيه عيزة اقولك ان طريقتك كمان فى الكلام لوحدها بتهدى وبتريح وحلولك سهله وممكنه يعنى مش بتقولى حاجه صعبه ماشاء الله عليكى ربنا يعينك ويجازيكى خير ويقدرك على مشاكلنا

اشاش يا حبيبتى

والله انتى ماشاء الله عليكى

محترمه وطيبه وكلامك جميل

ان شاء الله هانحل مع بعض مشكلتك

ولما تعوزى اى حاجه فيه هانحلها ان شاء الله

اهم حاجه ماتفكريش فى مشاكل بكره

حاولى تفكرى فى حلول دلوقتى

انتى ادرى باهل زوجك

يبقى لازم تحاولى انتى معاهم

لانك عارفه طبعهم واحوالهم وبيحبو ايه وكدا

النصايح دى بتكون لاى حد فى مشكلتك

لكن لكل واحد ظروفه الخاصه

عارفه هو ايه اللى ممكن يعمله وممكن لا مع اشخاص معينه

ولو عملتى اى حاجه فى نظرك صح وعملت اى خناقه

بسرعه تعالى واكتبى لنا وحانا هانحلها باذن الله

شكرا يالؤلؤة زانتى فعلا لؤلؤة

بس انا من كلامك حسيت انى اصلا ماعنديش مشكله لان اهل زوجى بيتعاملوا معايا انا شخصيا كويس جدا والخلافات اللى كانت مابين الاهل الحمد لله عدت على خير وكتبنا الكتاب وهاتجوز باذن الله بعد اسبوعين يعنى هو حاليا مافيش مشاكل بس انا كنت بفكر فى اللى جاى وكنت شويه خايفه ان معامله اهل جوزى تتغير معايا بس انا من كلامك ومن كلام اخت ليا برضو من النجع ومن تفكير رسيت على انى ماقلقش نفسى بحاجه وانا اصلا من البدايه ناويه امام الله انى اعامل اهل زوجى معامله طيبه مهما حصل لانى بقصد وجهه الله فى المعامله دى ولانى نفسى زوجه اخى تعامل امى كده وانا ان شاء الله لما ابقى حمى نفسى زوجه ابنى تعاملنى كده فاانا طالما انا بعامل ربنا هو ربنا اللى هايجزينى مش هما وكمان انا زوجى الحمد لله بيقدر اى حاجه كويسه بعملها وبيحاول هو يراضينى قدر الامكان فاانا بقى لو لاقدر الله حصل مشاكل هاتحملها عشان خاطر ربنا ثم عشان خاطر زوجى
صح كده انا بفكر صح ولا ايه انا عايزه اسمع رايك لو سمحتى /hoba

ميه ميه يا عسل

ومادام مافيش مشكله يبقى متقلقيش نفسك واقرى شويه عن الاعتقاد هتلاقى انه كل ماتعقدى فى الحاجه بتحصل

فبلاش تفكرى فى مشكل اللى جاى فكرى ازاى تعاملى زوجك كويس اهل زوجك كويس

علشان انتى لازم تكونى كويسه علشان ربنا يجازيكى خير

وانتى على فكرة طريقة تفكريك ميه ميه

وجميله جدا جدا جدا

وفاهمه يعنى ايه تراعى ربنا فى كل اعمالك

ربنا يجعله فى ميزان حسناتك

ويتمم لك الجواز على خير والمشاكل كلها تروح وخلاص

/hoba /hoba /hoba /hoba /hoba

انا فعلا مشكلتى صعبة بس الحمد لله على كل شئ و انا ححتاج شوية صبر منكم عشان تعرفوا مشكلتى انا متزوجة من سنة و نصف و زوجى هو الاخ الاوسط من اخ اكبر و اخت صغرى ووالده متوفى ووالدته بتعتبره هو اللى بيعملها كل حاجة مهما كانت و من ساعة ما ارتبطنا ظهرت مشكلة انهم من النوع اللى ممكن يغير الحقائق لصالحهم مع ان ظاهرهم التدين و الالتزام و هما من مستوى اجتماعى اقل مننا شوية و اجتماعيين زيادة اوى على عكسنا تماما و من الاول مكانش فيه عمار بين العائلتين و دا استمر بعد زواجنا و قابلت مشاكل كتير اوى عشان كمان زوجى كان عايز يثبت لوالدته انى مختلفة عن زوجة شقيقه اللى على الرغم من انها مش بتساعد فى اى حاجة بيعاملوها احسن معاملة على عكسى و مهما اعمل و لا كانى عملت حاجة و حصلت مشاكل كتير تدخل فيها اهلى للاصلاح و زوجى كمان بيروح كل يوم لوالدته لانها تعتبر قريبة مننا فى السكن على الرغم من انى دايما بحاول انى اخلى البيت جنة و انا بخلى بالى من نفسى و مع الوقت حملت فى بنتى و ابتدت المواضيع تكون اهدا على الرغم من ان والدته و اخته زارونا فى البيت فى يوم كانوا عارفين ان والدتى و اختى جايين فيه و اهانوهم و اتكلمت والدته بطريقة غير لائقة عن والدى و لما جيت اعاتب زوجى انكر على الرغم من انى كنت موجودة و سكت و سلمت امرى لله و يوم ولادتى كانوا موجودين فى المستشفى و عدت بخير بس اصروا عيلته على انهم يخترعوا مواقف محصلتش من عيلتى لانى عارفة كويس انهم حاولوا يتجنبوا اى مشاكل عشان خاطرى و جت والدتى عندنا عشان تخدمنى بعد الولادة و علاقتها بزوجى كانت هى و اخواتى كويسة جدا جدا جدا لغاية يوم العقيقة حصلت مشكلة للاسف بين اختى الكبيرة و زوجة شقيق زوجى و انتهزتها حماتى فرصة لرجوع المشاكل من جديد و اختى خاصمتنى و زوجى مش عايز يكلمها و بينكر ان فى غلط من جانب عيلته تماما و انا معترفة ان اختى غلطت انها ردت على الطرف التانى لكن اللى ضايقها انها اصغر منها بكتير و كلمتها بطريقة غير لائقة و حاليا العلاقات مقطوعة بين زوجى و اختى الكبيرة بعد تعامل كويس جدا و العلاقات مقطوعة تماما بين العيلتين و انا بعدها فضلت فى مشاكل مع زوجى و اهله قاطعونى لحد ما حاولت اراضى حماتى عشان اريح زوجى و تكلمت بطريقة وحشة جدا عن اهلى و صعبت عليا نفسى بس اتحملت و زوجى اعتذرلى اما سلفتى فالعلاقة بينا مقطوعة تماما و بقالنا 6 شهور مشفناش بعض و دا مش مضايقنى للحق لكن مشكلتى اعمل ايه عشان اصلح اختى و زوجى و بنتى الغلبانة اعمل ايه عشان اى مناسبة ليها تيجى اتصرف ازاى لان مش عارفة حنحتفل ازاى بعيد ميلادها مثلا و كمان مش عارفة اعمل ايه لو ربنا اراد ان نرزق بطفل اخر ....اسفة للاطالة لكن نفسيتى تعبانة جدا و عايزة مساعدة