السلام عليكم ورحمه الله وبركاته

ازيكم يا شعارير النجعاويه حبيت اعدي شويه علي الناحيه دي واشارك معاكو /scenic

بشعروره صغيوره هي مش اول انتاج بس هي اخر حاجه كتبتها عن مثل قديم قالتهولي ستي

اللي هي جدتي يعني رحمه الله عليها يا رب تعجبكو


خديها مني حكمه

ونصيحه مخلصه

سمعتها زمان

من ستي المدّرسه

اللي يحبك خديه

واللي تحبيه لا

حكمه قالتها ستي

وكان عندها حق

مسمعتش الكلام

واول حب دق

رميت نفسي يا ستي

وعليه اندلقت

باع واشتري فبا

وفرج الجيران

ارجع انا يا ستي

بس ارجع لمين

ده همي زاد يا ستي

وعيال متشعلقين

والشعر شاب يا ستي

بعد سواد الليل

غفلت عنيا حبه

وسعدت برؤيتك

جيتيلي في المنام

وقولتي كلمتك

مش خدتي اللي حبتيه

يا خيبه حضرتك.............. !
!